2 SAMUELI 18:18 - Biblia Ilagho Jiboie Kwa Wandu Wose

¹⁸ Ngelo Absalomu orekoghe moyo, orekubonyereghe moni mnara aho Vololo ya Mzuri, angu oreghambieghe, “Siwadie mwana wa womi owika wukumbuso ghwa irina japo;” ukaghuwanga ugho mnara, kunughana na irina jake, nagho ghuwangwa Wukumbuso ghwa Absalomu hata linu.

2 SAMUELI 18:18 ပူးပေါင်းရင်းမြစ်များ

KUZOYA 11:4

Nao wikaghamba, “Idana ndedikuaghie muzi na mnara, na wuighu ghwaro ghujoke hata ghuvike mlungunyi, nesi dikubonyere diweni irina, eri disakesaghiswa ii chia na ii chia aighu ndoenyi.”

KUZOYA 11:9

Niko huwo muzi ugho ghukawangwa Babeli, angu aho niko BWANA oretasanyireghe kiteto cha wadamu wose, na kufuma aja, ukawifunya wisasarike ndoenyi kose.

KUZOYA 14:17

Nao iji Abramu orekoghe ukiwuya, nyuma ya kumsima Kedorlaoma andwamweri na wazuri waja orekwanyeghe nawo, mzuri wa Sodoma ukafuma kummara aja vololo ya Shawe (niyo Vololo ya Mzuri).

2 SAMUELI 14:27

Absalomu orevailoghe wana wa womi wadadu, na mwai umweri uwangwaghwa Tamari; nao orekoghe mwana wa waka ughokie nandighi.

ZABURI 109:13

Kivalwa chake ndechisie, na irina jake jiliwike kivalwa cha kawi.

ZABURI 49:11

Kaburi rawo rawuya nyumba rawo ra kala na kala, na andu kwawo kokaia vivalwa vose; hata ngera werekoghe na masanga ghawo weni.

ISAYA 22:16

“Niki kubonyagha aha, na nani ukurumirie kukukotere kaburi kumoni ighonyi aighu mghondinyi?

JEREMIA 22:30

BWANA waghamba huwu, “Kumuandike umundu sa usewadie mwana ungi; mundu usechaawona nicha kwa ilagho jingi, matuku ghake ghose; kwa kukaia ungi wa wuvalo ghwake ndechaadima kuseria kifumbi cha nguma cha Daudi, na kubonyera isanga ja Juda nguma.”

DANIELI 4:30

Mzuri ukaghamba, “Welee, ugho sighoghoni muzi ghwa Babuloni m'baa nighuaghie kwa kudima kwapo ghukaie malalo gha kiwuzuri ghwa wubaa na nguma?”

MITALO 32:42

Noba ukaghenda ukawada Kenathi na mizi yaro mitini-mitini; ukaiwanga Noba kunughana na irina jake.

1 SAMUELI 15:12

Nao Samueli ukawuka kokesho kio, upate kuwonana na Sauli. Samueli ukaghorelwa kukaia Sauli wavika Karmeli na kuagha tumbitumbi ya lukumbuso kwa wundu ghwake, nao waghaluka ukaida cha Gilgali.