2 SAMUELI 18:14 - Biblia Ilagho Jiboie Kwa Wandu Wose

¹⁴ Joabu ukaghamba, “Sidimagha kulaghasha ngelo na madedo ghako.” Nao ukawada mafumu matini adadu, ukamdunga Absalomu ngolonyi kwake, ingelo orekoghe umoo ukinyonyora a mwaloninyi;

2 SAMUELI 18:14 ပူးပေါင်းရင်းမြစ်များ

2 SAMUELI 12:10

Kwa huwo, wandu wa kivalwa chako jingi ndewichaakaia wisebwaghwaa kwa lufu, kwa kukaia kwanimenyere kukawusa mka wa Uria uwuye mkako.’

2 SAMUELI 14:30

Nao Absalomu ukawizera wadumiki wake, “Nechi mbuwa ya Joabu eeka kaavui na yapo; nao oko na shairi, idana ghendenyi muikore.” Niko wadumiki wa Absalomu wikaikora ija mbuwa.

2 SAMUELI 18:15

na wadawana ikumi, awo weremdwayagha Joabu maswagha ghake, wikamtang'aria Absalomu, na kum'bwagha.

2 SAMUELI 18:5

Mzuri ukamzera Joabu, na Abishai, na Itai, “Uo mdawana Absalomu mumdo mboa kwa wundu ghwapo.” Wandu wose wikasikira mzuri ukiwilaghira awo wabaa aighu ya maza ra Absalomu.

2 SAMUELI 19:1

Nao Joabu ukaghorelwa, “Zighana mzuri waawuyalila na kum'bonyera ifwa Absalomu.”

2 SAMUELI 19:11

Nao Mzuri Daudi ukaduma malagho kwa wakohani Zadoku na Abiathari ukighamba, “Zerenyi vilongozi va Juda huwu, ‘Kwaki mwakaia wa kutua kummbunja mzuri ngomenyi kwake, ingelo njama ya Waisraeli wose yameria kumvikia?

AYUBU 20:5

Kukaia mundu mmbiwi wadaboilwa kwa ngelo vui; kuboilwa kwa mundu usene kuobua kwa Mlungu ni kwa ngelo vui.

ZABURI 37:35

Nammbonie mundu mmbiwi, mkinyanya; uko ighu sa msida ghwa Lebanoni.

ZABURI 45:5

Mawanu ghako ghakalie; ghalasa ngolo ra wamaiza wako; mbari ra wandu raghwa maghunyi kwako.

MATHAYO 12:40

Angu sa iji koni Jona orekaieghe matuku adadu na vio varo andenyi ya kifu cha mngumi, niko koni na Mwana wa Mdamu uchaakaia andenyi ndoenyi matuku adadu.

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.

WATANYI 4:21

Sisera orekoghe wasilwa na ndighi, nao ukawadwa ni dilo nyingi. Niko Jaeli ukawada nyondo na kikosi cha hema, ukamghendia mboa mboa na kumkabiria chija kikosi chamunyi kwake, chikangia hata chikafuma nanyuma ya chongo; nao Sisera ukafwa.

WATANYI 5:26

Orewadieghe kikosi cha hema na mkonu ghwake, mkonu ghwake ghwa kiwomi ghukawada nyondo mbaa ya fundi. Ukamkabiria Sisera chamunyi kwake, na kuturua chongo chake.

WATANYI 5:31

“Huwo koni wamaiza wako ndewitote ee BWANA! Ela waghenyi wako ndewing'ale-ng'ale karakara na iruwa jibukagha kwa ndighi rake.” Nao isanga jikakaia na sere kwa miaka mirongo ina.