2 SAMUELI 17:23 - Biblia Ilagho Jiboie Kwa Wandu Wose

²³ Nao iji Ahithofeli wawona kukaia njama yake ndeinughilo, ukajoka punda wake, na kughenda cha mzinyi kwake. Ukaboisa malagho gha nyumbenyi kwake putu, ukakukumba lugha; ukafwa na kurikwa andenyi ya kaburi ya ndee.

2 SAMUELI 17:23 ပူးပေါင်းရင်းမြစ်များ

2 SAMUELI 15:12

Hata iji Absalomu orekoghe ukifunya vizongona, ukaduma Ahithofeli, Mgiloni uwango, uo orekoghe mnjama wa Daudi; uche kufuma muzi ghwake ghwa Gilo. Aho sheshe rikachurikia kukaia nandighi, na wandu wemnugha Absalomu wikakaia wikichurikia.

2 SAMUELI 15:31

Nao Daudi ukaghorelwa kukaia Ahithofeli nao oko umu wa waja wibonyere sheshe chiaimweri na Absalomu. Daudi ukaghamba, “Ee BWANA, nakulomba kubonye njama ra Ahithofeli riwue wukelu.”

2 SAMUELI 16:23

Matuku ghaja, Ahithofeli ukafunya mawoni, ghadawuswa seji ni ilagho ja Mlungu; kwa huwo mawoni gha Ahithofeli, nigho gherenughiloghe ni Daudi na hata Absalomu wori.

2 SAMUELI 17:22

Niko Daudi chiaimweri na wandu wose orekwanyeghe nawo ukawuka na kuruwuka moda ghwa Jordani; hata ndoe ikiela, ndekoresigharikieghe hata umweri wawo useruwukie moda ghwa Jordani.

1 WAZURI 16:18

Zimri uendawona kukaia muzi ghwameria kuwadwa, ukaghenda ngomenyi kwa mzuri, ukaiwasira modo, ukahianya nayo ukafwa.

2 WAZURI 20:1

Matuku agho, Mzuri Hezekia ukawuya mkongo kaavui na kufwa; na mlodi Isaya mwana wa Amozi ukacha kumzighana na kumzera, “BWANA waghamba kuboise maza ra nyumba yako nicha, kwa kukaia ndekuchaaboa wukongo ughu, ela kuchafwa.”

AYUBU 31:3

Wasi ghwadawipata awo wisene hachi, na matiriro ghadawipata awo wibonyagha kiwiwi.

ZABURI 109:20

Maza iro nderikaie malipo gha BWANA kwa washitaki wapo, awo widedagha kiwiwi aighu yapo.

ZABURI 5:10

Kuwitanye kukaia wakosi ee Mlungu, kuwibonye wighusho ni njama rawo reni; kuwikumbe noko, kwa wundu ghwa makosa ghawo mengi, angu wakuleghie.

ZABURI 55:23

Ela oho ee Mlungu, kuchawikumba wabwaghi na wandu wa mikalo kaburinyi; ndewichaadua moyo hata nusu ya irangi jawo. Ela ini nichakurumiria oho.

MAKATANISHO 16:18

Kukujosa kwadareda kunoneka; na roho ya lumenyo yadareda kughwa.

MAKATANISHO 19:3

Iji wukelu ghwa mundu ghwammnonia mipango yake, wadam'bonyera BWANA machu.

ISAYA 38:1

Matuku agho, Mzuri Hezekia ukawuya mkongo kaavui na kufwa. Mlodi Isaya mwana wa Amozi ukacha na kumzera, “BWANA waghamba, kuboise maza ra nyumbenyi kwako, kwa kukaia ndekuchaaboa kungi, ela kuchafwa.”

MATHAYO 27:5

Nao Juda ukavikumba vija vibelele va feza andoenyi andenyi ya Hekalu; ukafuma ukaghenda na kukukumba lugha.