2 SAMUELI 17:14 - Biblia Ilagho Jiboie Kwa Wandu Wose

¹⁴ Niko Absalomu na Waisraeli wose wikaghamba, “Mawoni gha Hushai, Muariki ghaboie kuchumba gha Ahithofeli.” Kwa kukaia BWANA orekoghe wabonya mpango ghobwagha mawoni gha Ahithofeli, eri upate kureda mawiwi aighu ya Absalomu.

2 SAMUELI 17:14 ပူးပေါင်းရင်းမြစ်များ

KUZOYA 32:28

Uja mundu ukamzera, “Ndekuchaawangwa Jakobo sena, ela kuchawangwa Israeli, angu kwasimana na Mlungu na wandu kukasima.”

2 SAMUELI 15:31

Nao Daudi ukaghorelwa kukaia Ahithofeli nao oko umu wa waja wibonyere sheshe chiaimweri na Absalomu. Daudi ukaghamba, “Ee BWANA, nakulomba kubonye njama ra Ahithofeli riwue wukelu.”

2 SAMUELI 15:34

Ela kukawuya mzinyi, nao kumzere Absalomu, ‘Ini nichawuya mdumiki wako ee mzuri sa iji koni nerekoghe mdumiki wa ndeyo ngelo riidie, huwo koni idana nichakaia mdumiki wako;’ kukabonya huwo, kuchanisimia njama ra Ahithofeli.

2 SAMUELI 16:23

Matuku ghaja, Ahithofeli ukafunya mawoni, ghadawuswa seji ni ilagho ja Mlungu; kwa huwo mawoni gha Ahithofeli, nigho gherenughiloghe ni Daudi na hata Absalomu wori.

2 MALAGHO GHA NGELO 10:15

Kwa huwo, mzuri ndecheesikira wandu, angu ni maza reredeloghe ni Mlungu, eri BWANA upate kukatisha ilagho jake ijo oremghorieghe Jeroboamu mwana wa Nebati ukitumia Ahija wa Shilo.

2 MALAGHO GHA NGELO 10:8

Ela ukasigha njama ya waghosi, ukalola njama ya wandu wa irika werezoghuanyeghe, awo werekoghe wikimdumikia.

2 MALAGHO GHA NGELO 25:16

Ela usendeemeria kudeda, mzuri ukamzera, “Ni lii dikubonyere mnjama wa mzuri? Nyama kima! Kookunda kifwa?” Mlodi ukanyama kima nyuma ya kughora, “Namanya Mlungu oowona ukutoteshe, kwa kukaia kwabonya iji ilagho, sena kukalega njama yapo.”

2 MALAGHO GHA NGELO 25:20

Amazia ndecheesikira, kwa kukaia ghodeeka ni mpango ghwa Mlungu kuwibonya wisimo ni wamaiza wawo, angu Amazia utasire milungu ya Edomu.

NEHEMIA 4:15

Wamaiza wedu wikasikira kukaia daimenyere mipango yawo; wikatambua kukaia Mlungu wamerie kuinona mipango yawo. Niko dikawuya diwose kuagha wurigha sena.

AYUBU 12:17

Wadawisoka wanjama hikima, na watanyi wadawiwunja wakelu.

ZABURI 9:15

Wandu wa mbari zima werechunukieghe kinenyi; icho werechikotereghe; maghu ghawo ghikawadwa ni nyavu wereideghieghe.

ZABURI 9:16

BWANA wakumanyishire moni kwa kutanya kwake kwa hachi, wawiwi wawadwa ni mabonyo ghawo gheni.

KUFUMA 9:16

ela neekusigha moyo tu nipate kuwonyera ndighi rapo, eri irina japo jipate kughorwa ndoenyi kose.

MAKATANISHO 19:21

Mipango ya mdamu ni mingi, ela lukundo lwa BWANA nilo lukatishwagha.

MAKATANISHO 21:30

Ndekuwadie hikima, angu kumanya, angu njama ingi idimagha kusimana na BWANA.

ISAYA 8:10

Bonyenyi njama renyu, ela nderichaafwana anduangi. Ghorenyi agho ghose mkunde, ela ndeghichaakatia anduangi; kwa kukaia Mlungu oko andwamweri nesi.

KILILO CHA JEREMIA 3:37

Nani wafunya momu maza rikabonyeka isaakaia ni BWANA moni walaghira?

AMOSI 9:3

Hata wikuvise aighu ya Mghondi ghwa Karmeli, nichawinugha aho na kuwiwada; hata wikeduakuvisa kondonyi andu kumilie baharinyi nisewiwone, nichaduma choka aho iwilume.

LUKA 16:8

Uja bwana ukamkasa mnyapara useko mloli, angu orejieghe akili; kwa kukaia wandu wa wurumwengu ughu wawadie akili rebonya malagho ghawo weni, kuchumba wandu wa mwengere.

1 WAKORINTHO 3:19

Angu hikima ya wurumwengu ughu ni wukelu kwa Mlungu. Sa iji iandikilo, “Wawiwada awo wiko na hikima andenyi ya mikalo yawo.”

WUKUMBUSO 2:30

“Ela Sihoni mzuri wa Heshboni, ukadileghia diseide kaavui na isanga jake, angu BWANA Mlungu onyu oreikurishireghe ngolo yake, ukang'eta; eri upate kudibonya dimsime seji iko idime.

JOSHUA 11:20

Angu ni BWANA moni orewikurishireghe ngolo wilo na Waisraeli, eri wipate kutoteshwa wose kuseko na wughoma ghungi sa iji koni BWANA oremlaghirieghe Musa.