2 SAMUELI 16:23 - Biblia Ilagho Jiboie Kwa Wandu Wose

²³ Matuku ghaja, Ahithofeli ukafunya mawoni, ghadawuswa seji ni ilagho ja Mlungu; kwa huwo mawoni gha Ahithofeli, nigho gherenughiloghe ni Daudi na hata Absalomu wori.

2 SAMUELI 16:23 ပူးပေါင်းရင်းမြစ်များ

2 SAMUELI 15:12

Hata iji Absalomu orekoghe ukifunya vizongona, ukaduma Ahithofeli, Mgiloni uwango, uo orekoghe mnjama wa Daudi; uche kufuma muzi ghwake ghwa Gilo. Aho sheshe rikachurikia kukaia nandighi, na wandu wemnugha Absalomu wikakaia wikichurikia.

2 SAMUELI 15:31

Nao Daudi ukaghorelwa kukaia Ahithofeli nao oko umu wa waja wibonyere sheshe chiaimweri na Absalomu. Daudi ukaghamba, “Ee BWANA, nakulomba kubonye njama ra Ahithofeli riwue wukelu.”

2 SAMUELI 17:1

Nyuma ya agho, Ahithofeli ukamzera Absalomu “Sigha nisaghuo wandu elfu ikumi na iwi, nani nichafuma nimnughe Daudi nakio.

2 SAMUELI 17:14

Niko Absalomu na Waisraeli wose wikaghamba, “Mawoni gha Hushai, Muariki ghaboie kuchumba gha Ahithofeli.” Kwa kukaia BWANA orekoghe wabonya mpango ghobwagha mawoni gha Ahithofeli, eri upate kureda mawiwi aighu ya Absalomu.

2 SAMUELI 17:23

Nao iji Ahithofeli wawona kukaia njama yake ndeinughilo, ukajoka punda wake, na kughenda cha mzinyi kwake. Ukaboisa malagho gha nyumbenyi kwake putu, ukakukumba lugha; ukafwa na kurikwa andenyi ya kaburi ya ndee.

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

AYUBU 5:12

Wadarivurugha njama ra wandu wa mikalo, eri wisepate nicha ingi.

ZABURI 19:7

Sharia ya BWANA ni ya loli putu, irukishagha roho; memu ya BWANA ni erumirilwa, imnekagha mkelu hikima.

ZABURI 28:2

Sikira lwaka lwa kuvoya kwapo ngilomba wutesia; nawusira mikonu yapo, ngilangaya cha Hekalunyi yako ya Wueli.

MCHILI 10:1

Izi rifue radabonya marumba ghiboie ghinuke kiwiwi, wokoni na wukelu mtini ghwadainja hikima na ishima.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

JEREMIA 8:9

Awo wandu wa hikima wichafushwa waya, wichashinika na kuposhoka, waleghie ilagho japo, da iyo ni hikima iko andenyi kwawo?

MITALO 27:21

Nao uchakaia ukimghendia mkohani Eleazari, uo uchaakaia ukimzighaniria maza rake kwa Urimu imbiri yapo. Agho uchaakaia ukighora, nigho gheni Joshua na izungu jose ja wandu wa Israeli wichaakaia wikibonya.”

MATHAYO 11:25

Ngelo iyo Jesu ukaghamba, “Nakuneka chawucha ee Aba, Bwana wa mlungunyi na ndoenyi, angu korewivisireghe wandu wa akii na suku maza iri, kukawiwonyera wanake watini.

LUKA 16:8

Uja bwana ukamkasa mnyapara useko mloli, angu orejieghe akili; kwa kukaia wandu wa wurumwengu ughu wawadie akili rebonya malagho ghawo weni, kuchumba wandu wa mwengere.

WAROMA 1:22

Nawo wikighamba wei wawadie suku, wikawuya wakelu;

1 PETRO 4:11

Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.

1 SAMUELI 30:8

Daudi ukamlomba BWANA ukighamba, “Wele BWANA, niwinughe awa wandu? Nidima kuwiwada?” BWANA ukamtumbulia, “Winughe; loli kuchawiwada sena kuvuvuo wandu wako.”