2 SAMUELI 16:21 - Biblia Ilagho Jiboie Kwa Wandu Wose

²¹ Nao Ahithofeli ukamzera Absalomu, “Ngia kwa waka wewika wa ndeyo, awo wawisigha wilindieghe ngome; niko aho Waisraeli wose wichaasikira na kumanya loli kukaia kwamerie kuzamilwa ni ndeyo; na aho wandu wose mkwanye wichapata ngolo.”

2 SAMUELI 16:21 ပူးပေါင်းရင်းမြစ်များ

KUZOYA 34:30

Nao Jakobo ukawizera Simeoni na Lawi, “Mwaniredia wasi na kuninona kwa wandu wa isanga iji, Wakanaani na Waperizi. Wandu wapo ini ni wandu watini, na wandu awa wikakukwanya chiaimweri kulwa na ini, wichanitotesha andwamweri na nyumba yapo yose.”

KUZOYA 35:22

Nao iji Israeli orekoghe ukikaia jija isanga, Reubeni ukaghenda na kulala na Bilha, muka mzumba wa ndee, na Israeli ukajisikira ilagho ijo.

KUZOYA 38:16

Ukamghendia mbai na mbai ya chia ukamzera, “Nirumirie ningie kwako;” angu nderemmanyireghe wei ni mka mwanwake anduangi. Nao ukaghamba, “Kuninekaki ima kungie kwapo?”

KUZOYA 6:4

Kufuma ngelo ija na konyuma, Wanefilimu werekoghe wikilowua wai wa wadamu, na kuva wana. Awo niwo wandu werekoghe mang'oni wikumikie matuku ghaja.

2 SAMUELI 10:6

Nao iji Waamoni wawona kukaia wamvavira Daudi, wikakodesha Wasiria wa Beth-rehobu, na Wasiria wa Soba, masikari gheghenda na maghu elfu mirongo iwi, na mzuri wa Maaka ukacha na masikari elfu imweri, na wandu wa Tobu elfu ikumi na iwi.

2 SAMUELI 12:11

‘Ola nichakuwusiria mawiwi kufuma kwa kivalwa chako cheni. Nichawusa waka wako kukiwona, na kumneka mmbenyu mkwanye; nao uchalala nawo iruwa jikiaka.

2 SAMUELI 13:5

Jonadabu ukamzera, “Oho lala wulinyi, kukubonye kooka mkongo, hata iji ndeyo wacha kukuzighana kumzere, ‘Mleke Tamari wakedu uche unineke vindo nije; uvideke moni ngiwona nao unineke na mkonu ghwake nije.’”

2 SAMUELI 15:16

Nao mzuri ukafuma ukinughana na wandu wose wa nyumbenyi kwake. Ukasigha waka wake wewika ikumi wizighaneghe ngome.

2 SAMUELI 16:20

Niko Absalomu ukamghalukia Ahithofeli ukamzera, “Dineke mawoni ghako, kuwona dibonya wada?”

2 SAMUELI 17:7

Hushai ukamzera Absalomu, “Njama wadineke Ahithofeli idime ndeiboie.”

2 SAMUELI 2:7

Nenyo mkufungishe ndighi, mkaie na wuwana; kwa kukaia bwana onyu Sauli wafue, na wandu wa Juda wanidunga mavuda nipate kukaia mzuri aighu yawo.”

2 SAMUELI 20:3

Nao Daudi ukangia nyumbenyi kwake aho Jerusalemu; ukawada waja waka wewika ikumi orewisighieghe wikizighana ngome, ukawingira nyumbenyi imu wikaie aisi ya wulindiri, ukakaia ukiwilisha tu, ela nderengirieghe kwawo. Wikakaia wikilindilwa aho sa waka wifuilo, hata ituku ja kufwa kwawo.

1 WAZURI 11:25

Orekoghe m'maiza wa wandu wa Israeli matuku ghose gha Solomoni; ukabonya maza rizamie sa iji koni Hadadi orebonyereghe; ukakaia ukizamilwa ni wandu wa Israeli, na kubonya nguma aighu ya Siria.

1 WAZURI 2:17

Nao ukaghamba, “Nakuvoya kuningirie ilombi japo kwa Mzuri Solomoni, unirumirie nimlowuo Abishagi Mshunami. Neko na loli ndekuleghiagha.”

1 WAZURI 2:22

Mzuri Solomoni ukamzera mae, “Kwaki kulombagha Abishagi Mshunami ulowolo ni Adonija? Kumlombie hata na wuzuri wori, kwa kukaia uo ni m'baa wapo; sena mkohani Abiathari, na Joabu mwana wa Seruia weko luwaru lwake.”

WALAWI 18:8

Kusakelala na mka-ndeyo; ugho ni wuduu ghwa ndeyo.

WALAWI 20:11

Mundu ulalagha na mka-ndee, waafunukua wuduu ghwa ndee; wose wawi wibwagho, na bagha yawo ichakaia aighu kwawo.

ZEKARIA 8:13

Inyo wandu wa Juda na Israeli, kokala waghenyi werewasiranagha njowe kwa kughora ‘Wasi ghorewipatireghe wandu wa Juda na Israeli ndeghukupate oho!’ Ela nichamkira, na awo waghenyi wichazerana, ‘Kupate irasimio jerepatiroghe ni wandu wa Juda na Israeli!’ Kwa huwo mkaie na ngolo msakeobua.”

1 WAKORINTHO 5:1

Yawuyaghoreka wei ghoko wulaki aghadi konyu, nagho ni wulaki ima ghusekaiagha hata kwa watasi milimu; wei mndumu waawuyakanya na mka-ndee.

1 SAMUELI 13:4

Waisraeli wose wikaghorelwa kukaia Sauli wakabie wandu wa ngome ya Wafilisti, nawo waawuyazamilwa ni Waisraeli. Niko Waisraeli wikafuma kuwadana na Sauli aja Gilgali.

1 SAMUELI 27:12

Nao Akishi ukamrumiria Daudi ukiririkanya, “Wamerie kukubonya moni uzamie wandu wa Israeli putu; kwa huwo uchadua mdumiki wapo matuku ghose.”