2 SAMUELI 16:11 - Biblia Ilagho Jiboie Kwa Wandu Wose

¹¹ Daudi ukamzera Abishai na wabaa wake wose, “Ikakaia mwana wapo tiki waawuyalola kunifunya irangi japo, ni kuchumba saki uhu M'benjamini? Msighenyi uniewie, kewada ni BWANA wamzera.

2 SAMUELI 16:11 ပူးပေါင်းရင်းမြစ်များ

KUZOYA 15:4

BWANA ukamchea sena ukighamba, “Uhu mundu suo ungi uchaaja ifwa jako, ela mwana wako tiki nuo uchaaja ifwa jako.”

KUZOYA 45:5

Idana msakeja wasi hata kuwawa ngolonyi konyu kwa wundu ghwa uko kuniuza aha, angu Mlungu odenireda ini imbiri konyu, nipate kuvuvua marangi gha wandu.

2 SAMUELI 20:1

Nao aeni aho Gilgali kukafumirika mndumu wa kisha-kisha uwangwaghwa Sheba mwana wa Bikri, M'benjamini; ukaikaba tarumbeta ukighamba, “Isi ndediwadie ifungu jingi kwa Daudi, hata ndediwadie ifwa jingi kwa mwana wa Jese. Kula mundu ndeghale cha hemenyi kwake ee Israeli.”

2 SAMUELI 7:2

Niko mzuri ukamzera mlodi Nathani, “Wona ini naawuyakaia andenyi ya nyumba iaghilo kwa midi ya sida, na Sanduku ya BWANA yaawuyakaia hemenyi!”

2 WAZURI 19:37

Nao iji orekoghe ukitasa andenyi ya hekalu ya mlungu ghwake Nisroki, wana wake Adrameleki na Shareza wikam'bwagha na lufu, wikakimbiria isanga ja Ararati. Na mwana wake Esarhadoni ukabonya nguma wulalo ghwake.

2 MALAGHO GHA NGELO 32:21

BWANA ukamduma malaika ikawibwagha mang'oni ghiwadie ndighi na vilongozi na wabaa wa kazi andenyi ya kambi ya Waashuru. Uo mzuri ukaghala cha mzawo na waya m'baa. Nao iji wangia andenyi ya nyumba ya mlungu ghwake, wana wamu wa wana wake weni, wikam'bwagha na lufu ahoeni.

ZABURI 109:28

Ndewiwasire njowe, ela oho kurasimie! Watiriri wapo ndewisimo, na ini mdumiki wako niboilo.

EZEKIELI 14:9

“Mlodi ukakalikia, nao ufunye wulodi ghwa tee, mmanye ni ini namkalia; nani nichamkaba na kumuinja aghadi ya wandu wapo Israeli.

EZEKIELI 20:25

“Niko ngawineka sharia riseboie, mafundisho ghisewinekagha irangi jingi;

MATHAYO 10:21

“Mundu uchamfunya mruna ubwagho, na ndee mwana uchamfunya mwana wake, wana wichawighalukia wavi wawo na kuwifunya wibwagho.

1 SAMUELI 26:19

Kwa huwo idana bwana wapo sikira malagho ghapo ini mdumiki wako. Ikakaia ni BWANA ukubonyere kunidiweghe huwu, nderumirie kizongona; ela ikakaia ni wadamu, ndewiwado ni njowe imbiri ya BWANA; kwa kukaia waniwinga nisepate iwaghio jingi ja ifwa ja BWANA; wikinizera, ‘Ghenda kuidumikie milungu mizima.’