2 SAMUELI 16:10 - Biblia Ilagho Jiboie Kwa Wandu Wose

¹⁰ Ela mzuri ukamzera, “Dekwanye wada inyo wana wa Seruia? Mwamanya wada ngera waadumwa ni BWANA uniewie? Nani udimagha kughiria isekaie huwo?”

2 SAMUELI 16:10 ပူးပေါင်းရင်းမြစ်များ

KUZOYA 50:20

Inyo loli morekoghe na njama enibonya kiwiwi, ela Mlungu oreibonyereghe njama iyo irede mecha gha kukira marangi gha wengi sa iji yawuyakaia idime.

2 SAMUELI 19:22

Ela Daudi ukaghamba, “Neko na ilaghoki nenyo inyo wana wa Seruia? Idime mwawuya wamaiza wapo! Mndungi wadima kubwagha andenyi ya Israeli idime? Ini namanya kukaia ne mzuri wa Israeli.”

2 SAMUELI 19:23

Mzuri ukamzera Shimei, “Ndekufwagha kungi.” Mzuri ukam'bonyera ighemi.

2 SAMUELI 3:39

Na ini idime nawuya mnyonge, hata ngera nashingilo mavuda nikaie mzuri; awana wa Seruia waniredia wasi m'baa. BWANA ndemlipe m'bonyi kiwiwi kunughana na wuwiwi ghwake.”

1 WAZURI 17:18

Uja muka ukamzera Elija, “Kwaki kunibonyere huwu? Welee, koocha kwapo eri kumkumbuse Mlungu kaung'a yapo hata mwana wapo ufo?”

1 WAZURI 2:5

“Sena kwaichi seji Joabu mwana wa Seruia unibonyere. Wabwaghie wabaa wawi wa majeshi gha Israeli: Abneri mwana wa Neri na Amasa mwana wa Jetheri, awo orewibwaghieghe ngelo diko na sere kwa kulipia kisasi cha wandu werebwaghiloghe ngelo ya wuda; ukasigha iro lawama rose rebwagha wandu wiseko na makosa rikaie aighu yapo.

2 WAZURI 18:25

Na aighu ya agho, kuamanya kujoka kwapo aha naajoka duu kuseko na BWANA? Nechi ni BWANA wanizera, Joka kuwade jija isanga kujitoteshe.’”

AYUBU 9:12

Mlungu ukawusa-lee, nani udimagha kumghiria? Nani udimagha kumkotia, ‘Niki kubonyagha?’

ZABURI 39:9

Nichanyama kima nisedede, angu ni oho kubonyere agho.

MCHILI 8:4

Mzuri wadabonya malagho kwa nguma; ndekuwadie mndungi udimagha kumkotia.

KILILO CHA JEREMIA 3:37

Nani wafunya momu maza rikabonyeka isaakaia ni BWANA moni walaghira?

DANIELI 4:35

Wandu wose wikaiagha ndoenyi si kilambo chingi; nao wadabonya sa iji ukundagha moni na malaika wa mlungunyi, na wandu wa ndoenyi. Ndekuwadie mndungi udimagha kusimana nao, angu kumkotia niki ubonyagha.

MATHAYO 16:23

Ela Jesu ukaghaluka ukamzera Petro, “Injika noko, Shetani! Kwaawuyanikuwisha. Maghesho ghako si gha Kimlungu anduangi, ela ni gha kidamu.”

MATHAYO 8:29

Wikazoya kukema wikighamba, “Koko na ilaghoki nesi oho Mwana wa Mlungu? Wele kwaacha kuditirira ngelo edu isevikie?”

JOHANE 18:11

Jesu ukamzera Petro, “Wunja lufu lwako kiwonyi kwaro. Welee, kuamanya icho kikombe Aba uninekie sichinywagha?”

WAROMA 9:20

Oho nani ee mdamu kudimagha kumtumbulia Mlungu? Nyungu ya wongo yadima kumkotia uo uivimbie, “Kwaki kunivimbie wa huwu?”

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.

1 SAMUELI 26:19

Kwa huwo idana bwana wapo sikira malagho ghapo ini mdumiki wako. Ikakaia ni BWANA ukubonyere kunidiweghe huwu, nderumirie kizongona; ela ikakaia ni wadamu, ndewiwado ni njowe imbiri ya BWANA; kwa kukaia waniwinga nisepate iwaghio jingi ja ifwa ja BWANA; wikinizera, ‘Ghenda kuidumikie milungu mizima.’