2 SAMUELI 15:8 - Biblia Ilagho Jiboie Kwa Wandu Wose

⁸ Kwa kukaia ini mdumiki wako nerebonyereghe ighemi iji nerekoghe ngikaia Geshuri aja Aramu, ngighamba, ‘BWANA ukaniwunja Jerusalemu, nichamtasa.’”

2 SAMUELI 15:8 ပူးပေါင်းရင်းမြစ်များ

2 SAMUELI 14:23

Joabu ukawuka ukaghenda Geshuri, ukamreda Absalomu Jerusalemu.

2 SAMUELI 14:32

Absalomu ukatumbulia, “Ni angu nerekudumirieghe momu kuche kwapo kukalegha. Neekunda kuendemkotia mzuri sababu ya ini kucha kufuma Geshuri? Si baa nerekaiagha ahoeni? Idana nighenje kwa mzuri nimmbone; na ukawona wuwiwi ghungi kwapo unibwaghe.”

2 SAMUELI 15:9

Nao mzuri ukamzera, “Ghenda na sere.” Niko Absalomu ukaghenda cha Hebroni.

2 SAMUELI 3:3

mwana wake wa kawi, ni Kileabu orevaloghe ni Abigaili mka mkiwa wa Nabali wa muzi ghwa Karmeli; na wa kadadu ni Absalomu; mae orewangwaghwa Maaka mwai wa Talmai mzuri wa Geshuri;

ZABURI 56:12

Nichakatisha maghemi nibonyere kwako ee Mlungu; nichakufunyira vizongona va chawucha.

MCHILI 5:4

Kukabonya ighemi kwa Mlungu, kusemuke kujikatisha, angu ndeboilwagha ni wakelu. Katisha ighemi jako.

ISAYA 28:15

Kwa kukaia mwaghambie, “Isi dabonyere malaghano na kifwa, dabonyere mapatano na Andu kwa Wafu, hata ikabo jibirie jikadichea, ndejidipatagha. Kwa kukaia dakusaghikie na tee, na kukuvisa na wuwiwi.”

JEREMIA 42:20

kukaia, mwakulaghashire nenyo mchakubwagha mmbeni. Morenidumieghe kwa BWANA Mlungu onyu, mkighamba, ‘Dilombie kwa BWANA Mlungu odu, na ijo jose kuchaazerwa ni BWANA Mlungu odu, nijo jeni dichaabonya.’

JOSHUA 24:15

Na ikakaia mwalegha kumdumikia, msaghuo idime iji ngera ni milungu iyo eredumikiloghe ni weke ndeyo aho Mesopotamia angu ngera ni milungu ya Waamori awo mwawuyakaia isanga jawo; ela ini na nyumba yapo nichamdumikia BWANA.”

1 SAMUELI 1:11

Ukabonya ighemi ukighamba, “Ee BWANA wa majeshi, ngera loli kwadakumbuka na kughuzighana wasi ghwapo, hata kuseniliwe ini mdumiki wako, nao kunineke mwana wa womi, niko na ini nichamfunya na kukuneka oho BWANA matuku ghose gha irangi jake, nao ndechaarwa na shembe chongonyi kwake anduangi.”

1 SAMUELI 16:2

Samueli ukaghamba, “Nidima wada kughenda aho, na Sauli ukasikira ilagho ijo uchanibwagha?” BWANA ukaghamba, “Dwaa ngache kughende kughambe, ‘Naacham'bwaghia BWANA kizongona.’