2 SAMUELI 15:25 - Biblia Ilagho Jiboie Kwa Wandu Wose

²⁵ Mzuri ukamzera Zadoku, “Wunja Sanduku ya Ilaghano ya Mlungu cha mzinyi. BWANA ukanirumiria uchaniwunja sena niwone Sanduku ya Ilaghano na wandu wake wori.

2 SAMUELI 15:25 ပူးပေါင်းရင်းမြစ်များ

2 SAMUELI 6:17

Wikaireda Sanduku ya BWANA na kuingira hemenyi iyo Daudi oreidungieghe kwa wundu ghwaro, wikaiwika andu kwaro. Daudi ukamfunyira BWANA vizongona vekora na vizongona va mapatano.

2 SAMUELI 7:2

Niko mzuri ukamzera mlodi Nathani, “Wona ini naawuyakaia andenyi ya nyumba iaghilo kwa midi ya sida, na Sanduku ya BWANA yaawuyakaia hemenyi!”

ZABURI 122:1

Nereboiloghe iji wandu werenizerieghe, “Ndedighende nyumbenyi kwa BWANA!”

ZABURI 122:9

Kwa wundu ghwa nyumba ya BWANA Mlungu odu, nichakulomba wucha ghwako.

ZABURI 26:8

Naikunda iyo nyumba kukaiagha ee BWANA, na andu wubaa ghwako ghukaiagha.

ZABURI 84:10

Kusinda Hekalunyi kwako ituku jimweri, kwachumba matuku elfu andu kuzima. Ni baa kukaia mlindiri wa mnyango ghwa nyumba ya Mlungu wapo, kuchumba kukaia andenyi ya mizi ya wandu wawiwi.

KUFUMA 15:13

Oho korewighenjere kwa lukundo lwako lwa loli, awo wandu korewikombueghe kumoni; oho korewilongozere kwa ndighi rako, hata andu kwako kokaia kuelie.

KUFUMA 33:12

Musa ukamzera BWANA, “Loli kwanizera niwilongoze wandu awa hata jija isanga, ela ndekunighorie uo mundu dichaakaianya ngiwilongoza; sena kwanizera wei kwaniichi na sena kwaboilwagha ni ini.

KUFUMA 33:13

Idana nakulomba, ikakaia loli kuboilwagha ni ini, kuniwonyere chia rako idana, nipate kukumanya oho, na oho kuboilo ni ini. Sena kuitale mbari ihi kukaia, ni wandu wako.”

ISAYA 38:22

Oremzerieghe huwo, kwa kukaia Hezekia orelombieghe alama emmbonyera kukaia uchajoka Hekalunyi kwa BWANA.

JEREMIA 25:30

“Kwa huwo oho Jeremia, kuchawifunyira wandu awa wulodi ghwa agha malagho ghose nakughoria: ‘BWANA ucharuruma kufuma koighu, kufuma andu ukaiagha kwa wueli, uchafunya lwaka lwake; ucharuruma kwa ndighi mbaa aighu ya maranu ghake uchakema sa awo wandu wikamagha zabibu, aighu ya wandu wose wikaiagha ndoenyi.

JEREMIA 7:4

Msakeghirumiria agha malagho gha tee gheghora, ‘Ihi ni Hekalu ya BWANA, Hekalu ya BWANA, Hekalu ya BWANA.’