2 SAMUELI 15:24 - Biblia Ilagho Jiboie Kwa Wandu Wose

²⁴ Nao Abiathari ukajoka, na wokoni Zadoku ukacha chiaimweri na Walawi wose wikaidwa Sanduku ya Ilaghano ya Mlungu, wikaiwika andonyi hata wandu wose wikaruwuka kufuma mzinyi.

2 SAMUELI 15:24 ပူးပေါင်းရင်းမြစ်များ

2 SAMUELI 15:27

Wokoni mzuri ukamzera mkohani Zadoku, “Ola oho na Abiathari muwuye cha mzinyi kwa sere chiaimweri na wana wenyu wawi, mwana wako Ahimaazi na Jonathani mwana wa Abiathari.

2 SAMUELI 15:35

Nechi mkohani Zadoku na mkohani Abiathari weko aeni chiaimweri nenyo. Kwa huwo agho ghose kuchaaghisikira nyumbenyi kwa mzuri, kuchawighoria Zadoku na Abiathari, awo wakohani.

2 SAMUELI 20:25

na Sheva orekoghe muandiki; Zadoku na Abiathari werekoghe wakohani;

2 SAMUELI 6:13

Awo wandu wereidukagha Sanduku ya llaghano ja BWANA, wimeria kughenda milambo irandadu, Daudi ukabwagha kizongona cha njau na ngache ibandie.

2 SAMUELI 8:17

na Zadoku mwana wa Ahitubu na Ahimeleki mwana wa Abiathari wikakaia wakohani; na Seraia ukakaia muandiki;

1 WAZURI 1:8

Ela mkohani Zadoku, na Benaia mwana wa Jehoiada, na mlodi Nathani, na Shimei, na Rei, na walindiri wa mzuri ndewerewadaneghe na Adonija anduangi.

1 WAZURI 2:26

Niko Mzuri Solomoni ukamzera mkohani Abiathari “Ghenda cha mzinyi mzenyu Anathothi, kwa kukaia yakufwana kufwa. Ela kwa ngelo ihi sichaakubwagha, angu koreidukieghe Sanduku ya Ilaghano ja Bwana MLUNGU imbiri ya aba Daudi, sena kukaja wasi chiamweri na aba.”

1 WAZURI 2:35

Mzuri ukammbika Benaia mwana wa Jehoiada ukaie m'baa wa majeshi wulalo ghwa Joabu, na Zadoku ukaie mkohani wulalo ghwa Abiathari.

1 MALAGHO GHA NGELO 15:2

Nao Daudi ukaghamba, “Mndungi ndedimagha kuiduka Sanduku ya Mlungu ela Walawi weni; angu niwo BWANA orewisaghueghe wiidukeghe Sanduku ya BWANA na kumdumikiagha toe.”

EZEKIELI 48:11

Isanga iji jichakaia ja wakohani wiwikilo wakfu wa kivalwa cha Zadoku; awo wilindirie mawiko ghapo, hata ndewereghalukieghe nambai wa Walawi ingelo wandu wa Israeli wereghalukieghe nambai.

MITALO 4:15

Hata iji Haruni na wana wake wameria kufinikira Andu kwa Wueli na vilambo varo, niko wana wa Kohathi wichacha na kuviduka ngelo kambi yakahamishwa; ela wiseadade ivo vilambo vieleshero, wichefwa. Ivo nivo vilambo va Hema ekwania vichaakaia vikidukwa ni wana wa Kohathi.

MITALO 7:9

Ela wana wa Kohathi, Musa nderewinekieghe kindo chingi anduangi; angu awo werekoghe wikivilindia ivo vilambo va wueli verekoghe vikidukwa na ionge.

JOSHUA 3:3

wikawizera wandu, “Iji mwawona Sanduku ya Ilaghano ja BWANA Mlungu onyu ikidukwa ni wakohani na Walawi, mchawuka andu muko na kuinugha,

JOSHUA 3:6

Joshua ukawizera wakohani, “Wadenyi Sanduku ya Ilaghano muide nayo imbiri ya wandu.” Wikaiduka Sanduku, wikaida nayo imbiri ya wandu.

JOSHUA 6:4

Na wakohani mfungade wichadwa tarumbeta mfungade ra mbembe ra bauru imbiri ya Sanduku, na ituku ja mfungade, mchaghumara ugho muzi mando mfungade, wakohani wikikaba tarumbeta.

JOSHUA 6:6

Niko Joshua mwana wa Nuni ukawiwanga wakohani ukawizera, “Wadenyi Sanduku ya Ilaghano, na wakohani mfungade wido tarumbeta mfungade ra mbembe ra bauru imbiri ya Sanduku ya BWANA.”

1 SAMUELI 22:20

Ela mwana umu wa Ahimeleki uwangwagha Abiathari, wawae Ahitubu, ukafufunuka; ukakimbia na kumnugha Daudi.

1 SAMUELI 4:11

Sanduku ya Mlungu ikawadwa, na wana wa Eli wawi, Hofni na Finehasi wikabwaghwa.