2 SAMUELI 15:21 - Biblia Ilagho Jiboie Kwa Wandu Wose

²¹ Ela Itai ukamtumbulia mzuri, “Naghema kwa irina ja BWANA na ja mzuri andu bwana wapo mzuri uchaakaia, ngera ni kwa kifwa angu kudua moyo, aho niko na ini mdumiki wako nichaakaia wori.”

2 SAMUELI 15:21 ပူးပေါင်းရင်းမြစ်များ

2 SAMUELI 15:22

Nao Daudi ukamzera Itai, “Haya, ida ima.” Nao Itai Mgiti ukaida na wandu wake hata na wanake watini awo werekwanyeghe.

2 WAZURI 2:2

Elija ukamzera Elisha, “Kaia aha, kwa kukaia BWANA waniduma nighende Betheli.” Ela Elisha ukaghamba, “Naghema kwa Mlungu uko moyo, na kwa oho, kukaia, sichaakusigha anduangi.” Wikaseanya wose cha Betheli.

2 WAZURI 2:4

Elija ukamzera Elisha, “Idana nakulomba kukaie aha, kwa kukaia BWANA waniduma nighende Jeriko.” Ela ukatumbulia, “Naghema kwa Mlungu uko moyo, na kwa oho, kukaia, sichaakusigha anduangi.” Niko wikasea cha Jeriko.

2 WAZURI 2:6

Elija ukamzera, “Nakulomba kukaie aha kwa kukaia BWANA waniduma nighende Jordani.” Ela ukatumbulia, “Naghema kwa Mlungu uko moyo, na kwa oho, kukaia, sichaakusigha anduangi.” Wikachuria kughenda imbiri wose wawi.

2 WAZURI 4:30

Uja mae mwana ukamzera Elisha, “Naghema kwa Mlungu uko moyo, na kwa oho, kukaia, sichaakusigha anduangi.” Nao Elisha ukawuka ukamnugha.

MAKATANISHO 17:17

Mghenyi mundu wadakaia na lukundo ngelo rose, mruna mundu oovalwa witesiane wasi.

MAKATANISHO 18:24

Weko waghenyi wikubonyagha weni kukaia waghenyi, ela oko mghenyi wa kaavui uchumbie mruna mundu.

MABONYO GHA WADUMI 11:23

Nao iji wavika aho, na kuwona seji Mlungu uredie mvono ghwake kwa wandu, ukaboilwa; ukawishashira wose widuo waloli kwa Bwana wikifunga ndighi kumnugha kwa ngolo yose.

MABONYO GHA WADUMI 21:13

Niko Paulo ukatumbulia, “Kwaki munibwaghagha ngolo na uko kulila konyu? Ini neko tayari, si uko kufungwa koni, ela hata na kufwa aho Jerusalemu kwa wundu ghwa irina ja Bwana Jesu.”

2 WAKORINTHO 7:3

Ini siwueghora ilagho iji kwa kumtanya anduangi, angu nereghorieghe imbiri, inyo moko ngolonyi kodu; difwanye, angu dikaie moyo chia imweri.

1 SAMUELI 20:3

Ela Daudi ukatumbulia, “Ndeyo waichi putu kukaia oho dakundane, nao waawuyaririkanya kukaia Jonathani ukamanya ilagho iji, uchakaia na wasi. Ela kughora loli, naghema kwako kwa irina ja BWANA uko moyo, naasighwa mlambo ghumweri tu aghadi yapo na kifwa.”

1 SAMUELI 25:26

Idana bwana wapo, sa iji BWANA ukaiagha moyo, na sa iji koni roho yako ikaiagha moyo, nawona kukaia BWANA wakughiria kusebonye kiwiwi chedia bagha, hata kulipia kisasi chingi kwa mkonu ghwako ghoni. Kwa huwo, awo wamaiza wako, na wose wikundagha kukubonya kiwiwi, ndewikabo sa Nabali.