2 SAMUELI 15:20 - Biblia Ilagho Jiboie Kwa Wandu Wose

²⁰ Oho koocha ighuo koni, nao sena idime niwoke kukumarisha, sena nisemanyagha andu nighendagha? Wuya; kudo na wakenyu wori. BWANA ndekuwonyere wughoma ghwake na wuloli ghwake.”

2 SAMUELI 15:20 ပူးပေါင်းရင်းမြစ်များ

2 SAMUELI 2:5

ukaduma wandu kwa Wajabeshi-gileadi ukighamba, “BWANA umrasimie inyo, kwa kukaia mwakuwonyere mmbeni kukaia waloli kwa bwana onyu Sauli, mkamrika.

2 SAMUELI 2:6

Idana BWANA um'bonyere wughoma na lukundo lukatie, na nimoni nicham'bonyera nicha angu m'bonyere ilagho iji.

ZABURI 25:10

BWANA wadawilongoza awo wijiwadiagha ilaghano jake, na kuinugha memu yake kwa lukundo lukatie na wuloli.

ZABURI 56:8

Oho kwaichi kusumbuka kwapo; kwawikie mtalo ghwa mbori rapo. Nechi raandikilo chuonyi kwako?

ZABURI 57:3

Uchanitumbulia kufuma mlungunyi na kunikira; uchawifusha waya, awo wawuyaningiria. Mlungu uchaniwonyera lukundo lwake lukatie na wuloli ghwake.

ZABURI 59:15

Wadamara-mara sa koshi wikilola vindo, na kuboka iji walemwa ni kughuda.

ZABURI 61:7

Ndebonye nguma imbiri kwako matuku ghose ee Mlungu, mlindie kwa lukundo lwako lukatie na wuloli ghwako.

ZABURI 61:8

Niko nichakuboria makaso matuku ghose, ngilipa maghemi ghapo ituku ituku.

ZABURI 85:10

Lukundo na wuloli richakwana; hachi na sere richasusughana.

ZABURI 89:14

Wuzuri ghwako ghoomangishwa aighu ya hachi na loli; oho kwadabonya maza rose kwa lukundo lukatie na wuloli.

MAKATANISHO 14:22

Welee, wandu wibonyagha mipango ya wuwiwi ndawadakosa? Ela awo wibonyagha mipango iboie wadapata kukundwa na kurumirilwa.

MAKATANISHO 3:3

Kusesighe kusikira na wuloli, kurifunge singonyi kwako na kuriandika ngolonyi kwako.

AMOSI 8:12

Wandu wichamara-mara kufuma kutua uku kwa bahari, hata kutua kuja kwa bahari na kufuma kaskazinyi hata mashariki; wichakimbia ii chia na i chia wikilola ilagho ja BWANA, na ndewichaajiwona anduangi.

JOHANE 1:17

Angu Mlungu orefunyireghe Sharia kwa chia ya Musa, ela mvono na loli verechieghe kwa chia ya Jesu Kristo.

1 SAMUELI 23:13

Niko Daudi na wandu wake maghana arandadu wikafuma Keila na kughenda andu uko kose weredimieghe kughenda. Sauli uendasikira kukaia Daudi wakimbia, ukabwagha icho charo chake.