2 SAMUELI 15:18 - Biblia Ilagho Jiboie Kwa Wandu Wose

¹⁸ Wabaa wake wose wikaida na Wakerethi wose, na Wapelethi wose, na waja Wagiti wose maghana arandadu, awo werenughaneghe na Daudi kufuma Gathi, wose wikaida wikakiria na imbiri ya mzuri.

2 SAMUELI 15:18 ပူးပေါင်းရင်းမြစ်များ

2 SAMUELI 15:17

Mzuri ukafuma, na wandu wose wikamnugha; wikadunga maghu nyumba ya kutua.

2 SAMUELI 18:2

Ukaduma mafungu adadu; ifungu jimu jikaie aisi ya wulongozi ghwa Joabu na ifungu ja kawi jikaie aisi ya wulongozi ghwa Abishai mwana wa Seruia, mruna Joabu; na ifungu ja kadadu jikaie aisi ya wulongozi ghwa Itai, Mgiti. Mzuri ukawizera, “Hata nanimoni wori dighendanya wudenyi.”

2 SAMUELI 20:23

Joabu orekoghe m'baa wa majeshi ghose gha Israeli; na Benaia mwana wa Jehoiada orekoghe m'baa wa Wakerethi na Wapelethi;

2 SAMUELI 20:7

Nao wandu wa Joabu chiaimweri na Wakerethi na Wapelethi na mang'oni ghose gha wuda wikafuma Jerusalemu chiaimweri na Abishai wipate kumnugha Sheba mwana wa Bikri.

2 SAMUELI 6:10

Kwa huwo Daudi nderekundieghe kuireda mzinyi kwake, ela ukaipilisha na kuingira nyumbenyi kwa Obed-edomu, Mgiti.

2 SAMUELI 8:18

na Beraia mwana wa Jehoiada ukakaia aighu ya Wakerethi na Wapelethi; na wana wa Daudi wikakaia wakohani.

1 WAZURI 1:38

Niko mkohani Zadoku, na mlodi Nathani, na Benaia mwana wa Jehoiada, na walindiri wa mzuri, wikasea wikamjosa Solomoni aighu ya nyumbu iyo erekoghe ikijokwa ni Mzuri Daudi; wikamreda hata Gihoni.

1 MALAGHO GHA NGELO 18:17

Benaia mwana wa Jehoiada orekoghe m'baa wa walindiri wa mzuri, na wana wa Daudi werekoghe wabaa wa wudumiki ghwa mzuri.

1 SAMUELI 23:13

Niko Daudi na wandu wake maghana arandadu wikafuma Keila na kughenda andu uko kose weredimieghe kughenda. Sauli uendasikira kukaia Daudi wakimbia, ukabwagha icho charo chake.

1 SAMUELI 25:13

Niko Daudi ukawizera wandu wake, “Kula mundu ndero lufu lwake!” Nao kula umu wawo ukarwa lufu lwake, na Daudi wori ukarwa lufu lwake; na wandu maghana ana wikamnugha Daudi, ela wandu maghana awi wikasigharika wikilindia vilambo.

1 SAMUELI 27:3

Daudi ukakaia aho Gathi kwa Akishi chiaimweri na wandu wake; kula mundu na kinyumba chake; nao moni na waka wake wawi; Ahinoamu wa isanga ja Jezreeli, na Abigaili uja muka mkiwa wa Nabali, wa isanga ja Karmeli.

1 SAMUELI 27:4

Sauli uendaghorelwa kukaia Daudi wakimbirie cha Gathi ukasigha kumdiwa.

1 SAMUELI 30:1

Ituku ja kadadu, Daudi na wandu wake wikavika Siklagi. Wikakua Waamaleki wajokeria chia ya Negebu; wikaghungiria ugho muzi ghwa Siklagi na kughukora.

1 SAMUELI 30:14

Daafuma kukaba mizi ya Negebu ya Wakerethi, isanga ja wandu wa Juda, na isanga ja Negebu ya Kalebu; na muzi ghwa Siklagi dikaghukora.”

1 SAMUELI 30:9

Nao Daudi ukawuka na wandu wake maghana arandadu awo orekwanyeghe nawo, wikaghenda wikavika kamoda ka Besori; na aho wandu wamu wake wikasigharika nanyuma.