2 SAMUELI 14:4 - Biblia Ilagho Jiboie Kwa Wandu Wose

⁴ Uja muka wa Tekoa uendavika kwa mzuri, ukaghwa kiwushu-wushu na kudunga chongo chake andonyi kwa ishima, ukamzera mzuri, “Nitesie ee mzuri.”

2 SAMUELI 14:4 ပူးပေါင်းရင်းမြစ်များ

2 SAMUELI 1:2

Ituku ja kadadu, mndumu ukacha kufuma kambinyi ya Sauli, wameria kurashua nguwo rake na kukudunga ndoe chongonyi kwake kuwonyera wasi. Hata iji wacha kwa Daudi, ukaghwa na kudunga chongo chake andonyi kwa ishima.

2 SAMUELI 14:22

Nao Joabu ukaghwa kiwushu-wushu na kudunga wushu ghwake andonyi kwa ishima, ukamkuma mzuri ukighamba, “Idime iji ini mdumiki wako namanya angu narumirikia imbiri kwako bwana wapo mzuri angu kwaghirumiria malombi ghapo ini mdumiki wako.”

2 SAMUELI 14:5

Mzuri ukamzera, “Wasi ghwako niki?” Uja muka ukatumbulia, “Weei! Ini ne muka mkiwa; neefuilwa ni mumi wapo;

2 SAMUELI 18:28

Nao Ahimaazi ukakaia kimusi imbiri ya mzuri, ukamzera, “Ghose ghakaia nicha.” Ukaghoghoma hata ukadunga chongo chake andonyi, ukaghamba, “BWANA Mlungu wako ndekaso, uo wawifunya noko awo wandu werekoghe wamaiza wa bwana wapo mzuri.”

1 SAMUELI 20:41

Uja mwana uendaghenda, Daudi ukafuma aja ukuvisireghe kitungunyi cha magho, ukaghwa kiwushu-wushu imbiri ya Jonathani mando adadu; wikawadana na kususughana wikilila hata Daudi ukalila kuchumba.

1 SAMUELI 25:23

Nao iji Abigaili wammbona Daudi, ukasea shwa-shwa kufuma pundenyi, na kughwa imbiri ya Daudi kiwushu-wushu, ukadunga wushu ghwake andonyi.