2 SAMUELI 14:25 - Biblia Ilagho Jiboie Kwa Wandu Wose

²⁵ Andenyi ya Israeli yose ndekorekoghe na mndungi ughokie sa Absalomu. Odeghoka kufuma maghunyi kwake hata chongonyi; mundu usewadie itiko jingi.

2 SAMUELI 14:25 ပူးပေါင်းရင်းမြစ်များ

1 WAZURI 1:6

Na jingi ndee ndemsumbua na makoto kwa agho ghose uduebonya. Uo nuo umnughirie Absalomu, nao orekoghe ughokie nandighi.

AYUBU 2:7

Nao Shetani ukafuma imbiri ya BWANA, ukaghenda ukam'busa Ayubu vonda vizamie mumbi ghose.

MAKATANISHO 31:30

Kudawiria kwakaliagha, na kughoka kwasiagha; ela muka umuobuagha BWANA uchakumwa.

ISAYA 1:6

Kufuma lwau lwako hata chongo, ndekuwadie wubanana ghungi; ela ni kuvonoka na vonda, na ngoru riruchagha; ndevioghoshero hata kufungwa, hata ndevishingilo mavuda anduangi.

EZEKIELI 23:15

na kufungwa mikowa viwonunyi kwawo, na viremba viboie vongonyi kwawo. Wose werekoghe wikiwoneka wabaa kwa iro fwana rawo, wabaa na waisanga wa Babuloni.

DANIELI 1:4

Werekoghe wikaie wandu wa irika wiseko na itiko, wighokie sena wiko na kumanya kwa hikima yose. Wichulo ni kumanya, na hikima ekunda kukufundisha, widimagha kudumika andenyi ya ngome ya mzuri. Ashpenazi orekoghe uwifundishe hata wimanye kiteto cha Kibabuloni.

MATHAYO 23:27

“Ni bugha inyo walimu wa Sharia na Mafarisayo, waji-kuwi! Angu mwafwanana na makaburi ghikabilo chokaa, nagho ghawoneka ghighokie cha shighadi, ela kondenyi ghachua maindi gha wafu na kula wuchafu.

WAEFESO 5:27

eri ukupatire moni ikanisa jighokie na ndighi, jisewadie iboli angu itiko jingi, hata ilagho jingi jifwane sa ijo anduangi; jielie, jiseko na kilema chingi.

WUKUMBUSO 28:35

BWANA uchakukaba kwa kukubonya kubuko ni mbama ra maghu na vitemberu rizamie nandighi riseboagha; naro richabuka kufuma chwau hata chongo.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”

1 SAMUELI 9:2

Mundu uo orekoghe na mwana wa womi uwangwaghwa Sauli, mdawana ughokie na ndighi; ndekorekoghe na mndungi ughokie kumchumba aghadi ya Israeli yose. Orekoghe mundu mlacha kuchumba wandu wose.