2 SAMUELI 14:19 - Biblia Ilagho Jiboie Kwa Wandu Wose

¹⁹ Mzuri ukakotia, “Ela huwu ndekukwanye na Joabu andenyi ya agha malagho ghose?” Uja muka ukatumbulia, “Kwa loli bwana wapo mzuri seji kuko moyo, mndungi ndedimagha kukupila aighu ya agho malagho kwakotia. Ni mdumiki wako Joabu moni ubonyere ihi mipango; na nuo moni unifundishire kughora agha malagho ini mdumiki wako.

2 SAMUELI 14:19 ပူးပေါင်းရင်းမြစ်များ

2 SAMUELI 11:11

Uria ukamzera Daudi, “Sanduku ya Ilaghano na wandu wa Israeli na wa Juda wose waawuyalala a viwandenyi, na bwana wapo Joabu na wabaa wose wa bwana wapo weeka kambinyi a mlambenyi. Welee, nidima wada kughenda nyumbenyi kuja na kunywa na kulala na muka wapo? Sa iji koni kukaiagha moyo, na roho yako ikaiagha moyo, ini sichaabonya ilagho ijo anduangi.”

2 SAMUELI 14:18

Nao mzuri ukamzera uja muka, “Kusenivise ilagho jingi nichaakukotia.” Muka ukaghamba, “Bwana wapo mzuri ndekotie.”

2 SAMUELI 14:3

nao kughende kwa mzuri, kumzere huwo.” Nao Joabu ukamfundisha agho malagho.

2 SAMUELI 18:13

Hata huwo saki, ngera nedekufunya kum'bonyera Absalomu ilagho (na ilagho jingi ndejidimagha kuvisika kwa mzuri,) oho kumoni kwadakuika.”

2 SAMUELI 3:27

Nao iji Abneri wawunjwa Hebroni, Joabu ukamdwa mbalama sa kukunda kubonya njama ya kiviso nao aho mbengenyi; nao ahoeni ukamdunga na ifumu ja kifu ukafwa kulipia iyo bagha ya mruna Asaheli.

2 SAMUELI 3:29

Bagha iyo ndeikaie aighu ya Joabu na nyumba ya ndee; sena kivalwa cha Joabu chisesowe mundu owadwa ni kishonono kwa kala na kala, angu uko na sima, angu oghenda na midi, angu obwaghwa kwa lufu, angu osowa vindo!”

2 SAMUELI 3:34

Jingi mikonu yako ndeerefungiloghe na maghu ghako ndegherefungiloghe anduangi kwaafwa seji mundu ubwaghwaghwa ni wandu wawiwi.” Na wandu wose wikamlilia sena.

2 WAZURI 2:2

Elija ukamzera Elisha, “Kaia aha, kwa kukaia BWANA waniduma nighende Betheli.” Ela Elisha ukaghamba, “Naghema kwa Mlungu uko moyo, na kwa oho, kukaia, sichaakusigha anduangi.” Wikaseanya wose cha Betheli.

KUFUMA 4:15

Oho kuchamghoria malagho upate kughideda, nani nichakaia andwamweri nenyo kwa ghose mchaadeda, na kumfundisha seji mchaabonya.

MAKATANISHO 25:2

Dadamneka Mlungu wubaa kwa maza urivisire kwake, ela wazuri dadawikasa kwa kufunukua malagho.

MAKATANISHO 4:27

Tana na wuwiwi, kughende nicha, kuseghende mlambo ghumweri kula na chia ya hachi.

MITALO 20:17

Idana kudirumirie diidie isangenyi kwako. Ndedichaaidia mbuwenyi, angu mbuwa ra mizabibu, hata ndedichaanywa machi ghangi kiriwenyi; ela dichaghenda na chia icheni mbaa, hata dameria kuida isanga jako.”

LUKA 21:15

angu ini nichamneka malagho na hikima, hata mndungi usechaadima kumtangala anduangi.

WUKUMBUSO 28:14

na kawona kusesighagha malaghiro ghangi gha agho nikulaghiragha idime kwa kuinugha na kuitasa milungu mizima.

WUKUMBUSO 5:32

“Kwa huwo mlindie kubonya sa iji koni BWANA Mlungu onyu umlaghirie, mseghaluke.

JOSHUA 1:7

Oho kaia na ndighi tu, na ngolo ya wuing'oni, kukilindia kubonya karakara na Sharia yose morelaghiriloghe ni Musa mdumiki wapo; mseghaluke na mbai mkonu ghwa kiwomi hata mkonu ghwa kiwaka; eri kupate kuwona mecha andu kose kuchaaghenda.

1 SAMUELI 1:26

Nao Hana ukaghamba, “Ee bwana wapo, sa iji koni kukaiagha moyo bwana wapo, ini ne uja muka nerekaieghe kimusi aha imbiri kwako ngimlomba BWANA;

1 SAMUELI 17:55

Nao iji Sauli wammbona Daudi ukimghendia Goliathi, ukamzera Abneri uo orekoghe m'baa wa majeshi, “Abneri, aka kamdawana-lee ni kani?” Abneri ukatumbulia, “Sa iji roho yako iko moyo ee mzuri, simanyire.”

1 SAMUELI 20:3

Ela Daudi ukatumbulia, “Ndeyo waichi putu kukaia oho dakundane, nao waawuyaririkanya kukaia Jonathani ukamanya ilagho iji, uchakaia na wasi. Ela kughora loli, naghema kwako kwa irina ja BWANA uko moyo, naasighwa mlambo ghumweri tu aghadi yapo na kifwa.”

1 SAMUELI 25:26

Idana bwana wapo, sa iji BWANA ukaiagha moyo, na sa iji koni roho yako ikaiagha moyo, nawona kukaia BWANA wakughiria kusebonye kiwiwi chedia bagha, hata kulipia kisasi chingi kwa mkonu ghwako ghoni. Kwa huwo, awo wamaiza wako, na wose wikundagha kukubonya kiwiwi, ndewikabo sa Nabali.