2 SAMUELI 13:21 - Biblia Ilagho Jiboie Kwa Wandu Wose

²¹ Daudi uendasikira malagho agho, ukajokwa ni machu loli-loli.

2 SAMUELI 13:21 ပူးပေါင်းရင်းမြစ်များ

KUZOYA 34:7

Ngelo iyo wadawana wa Jakobo werekoghe wikingia kufuma kulishenyi, hata iji wasikira maza iro, wikazamilwa na kuwawa na ndighi kwa wundu ghwa ugho wuwiwi ghorebonyeroghe ni Shekemu andenyi ya Israeli ghwa kulala na mwai wa Jakobo, ilagho jisefwane kubonywa.

KUZOYA 35:22

Nao iji Israeli orekoghe ukikaia jija isanga, Reubeni ukaghenda na kulala na Bilha, muka mzumba wa ndee, na Israeli ukajisikira ilagho ijo.

2 SAMUELI 12:10

Kwa huwo, wandu wa kivalwa chako jingi ndewichaakaia wisebwaghwaa kwa lufu, kwa kukaia kwanimenyere kukawusa mka wa Uria uwuye mkako.’

2 SAMUELI 12:5

Nao Daudi ukajokwa ni machu aighu ya uja mzuri wa mali ukamzera Nathani, “Sa iji BWANA ukaiagha moyo, uo mundu orebonyereghe huwo yamfwana ufo;

2 SAMUELI 13:20

Mruna Absalomu ukamzera, “Welee, mwandeo Amnoni waakubonya kiwiwi? Kaia na sere mwanidu, uo ni mwandeo, kusemmbikie ngolo ingi.” Tamari ukadua na wasi nyumbenyi kwa mruna Absalomu.

2 SAMUELI 13:22

Ela Absalomu nderemzerieghe Amnoni ilagho jingi jiboie hata jizamie, kwa kukaia orekoghe wazamilwa ni Amnoni kwa wundu ghomdidika mruna Tamari.

ZABURI 101:8

Kula ituku nichakaia ngiwitotesha wawiwi wose isangenyi, nichawiwinga mzinyi kwa BWANA.

1 SAMUELI 2:29

Kwaki sena oho kubonyagha iriso aighu ya vizongona vapo vekora na mafunyo, ivo nerevilaghirieghe; nao kuwitaleghe wana wako kunichumba ini, kwa kukubandisha mmbeni na kukusaghuya ivo vizongona viboie nifunyirwaghwa ni wandu wapo Israeli?