2 SAMUELI 13:1 - Biblia Ilagho Jiboie Kwa Wandu Wose

¹ Absalomu mwana wa Daudi orekoghe na mruna wa waka ughokie nandighi, uwangwagha Tamari. Nao ngelo imu, Amnoni umu wa wana wa Daudi ukamkunda.

2 SAMUELI 13:1 ပူးပေါင်းရင်းမြစ်များ

KUZOYA 29:18

Nao Jakobo ukamkunda Raheli ukaghamba, “Nichakudumikia miaka mfungade kwa wundu ghwa mwai wako mtini Raheli.”

KUZOYA 29:20

Jakobo ukamdumikia Labani miaka mfungade kwa wundu ghwa Raheli, ela kwake iyo miaka ikawoneka sa matuku matinieri, angu oremkundieghe Raheli na ndighi.

KUZOYA 34:3

Ngolo yake ikarirwa ni Dina mwai wa Jakobo, hata ukamkunda nandighi, ukakaia ukimja malagho ghisingie.

KUZOYA 6:2

wana wa Mlungu wikawiwona awo wai wa wadamu kukaia wighokie, nawo wikakusaghuya wai welowua sa iji koni werekundieghe.

2 SAMUELI 11:2

Ituku jimu luma lwa kenyi, Daudi ukawuka kufuma wulinyi kwake, ukakaia ukisela-sela aighu ya dari ya ngome yake. Nao ukisela aighu darinyi, ukammbona muka umu ukikuoghosha; muka uo orekoghe ughokie nandighi.

2 SAMUELI 13:15

Niko Amnoni ukazamilwa ni Tamari nandighi; ukamzamia kuchumba seji oremkundieghe. Amnoni ukamzera Tamari, “Wuka kwende.”

2 SAMUELI 13:2

Amnoni ukabwaghwa ni ulo lukundo lomkunda mwandee Tamari, hata ukakuwunja mkongo; orekoghe mwai uelie, uwikilo kula na womi, na Amnoni ndereneghe chia ingi empata.

2 SAMUELI 14:27

Absalomu orevailoghe wana wa womi wadadu, na mwai umweri uwangwaghwa Tamari; nao orekoghe mwana wa waka ughokie nandighi.

1 WAZURI 11:1

Mzuri Solomoni orekoghe warirwa ni waka wengi wa kighenyi kula na uja mwai wa mzuri wa Misri oremlowueghe. Ukalowua waka kufuma Moabu, na Amoni, na Edomu, na Sidoni, na kwa Wahiti.

1 MALAGHO GHA NGELO 3:2

wa kadadu ni Absalomu, uo mae orewangwagha Maaka mwai wa Talmai, mzuri wa Geshuri; wa kana ni Adonija, uo mae orewangwagha Hagithi;

1 MALAGHO GHA NGELO 3:9

Awa wose wiko mbai, orekoghe na wana wamu wivalo ni waka wazumba nawo werekoghe na mruna wa waka orewangwagha Tamari.

MAKATANISHO 31:30

Kudawiria kwakaliagha, na kughoka kwasiagha; ela muka umuobuagha BWANA uchakumwa.

MAKATANISHO 6:25

Kusekunde kuja kughoka kwake, hata kusewado ni kuzighana kwake.