2 SAMUELI 12:9 - Biblia Ilagho Jiboie Kwa Wandu Wose

⁹ Kwaki kujimenyere ilagho japo, kukabonya wuwiwi imbiri kwapo? Kwam'bwaghie Uria Mhiti, kukawusa mkake; na koom'bwagha wudenyi kwa kutumia lufu lwa Waamoni.

2 SAMUELI 12:9 ပူးပေါင်းရင်းမြစ်များ

2 SAMUELI 11:4

Niko Daudi ukaduma wandu wiendemuonda; nao ukacha, na Daudi ukalala nao. (Uo muka odeeka wameria kukuelesha kufuma merinyi.) Nao ukawuya cha nyumbenyi kwake.

2 SAMUELI 12:10

Kwa huwo, wandu wa kivalwa chako jingi ndewichaakaia wisebwaghwaa kwa lufu, kwa kukaia kwanimenyere kukawusa mka wa Uria uwuye mkako.’

2 SAMUELI 16:7

Shimei ukakaia ukimuewia Daudi ukighamba, “Ghenda noko! Ghenda noko! Oho mundu odia bagha; mundu wa kisha!

1 WAZURI 15:5

BWANA orebonyereghe huwo, angu Daudi orebonyereghe hachi imbiri yake, hata ndereleghieghe kukatisha malaghiro ghake; ela ijo jeni orejibonyereghe kwa Uria Mhiti.

1 WAZURI 21:19

Kumzere kukaia ini BWANA naghamba huwu, ‘Kuabwagha mundu na mbuwa yake kuiwuse? Ola aeni aho koshi riletere bagha ya Nabothi, niko koni richaaleta bagha yako wori.’”

2 MALAGHO GHA NGELO 33:6

Ukawikora wana wake wikaie kizongona Vololonyi ya Hinomu; ukalaghua, ukanugha mizwana, ukabonya wusawi, na kunugha maza ra pepo retambua maza. Ukabonya mawiwi loli loli imbiri ya BWANA, na kum'bonya ujoko ni machu.

ZABURI 51:14

Kunikire na kaung'a ebwagha ee Mlungu, oho Mlungu Mkiri wapo; nani nichabora na ndighi malagho gha kukia kwako.

ZABURI 51:16

Ndekuboilwagha ni vizongona, kumangu nakufunyira; ndekuboilwagha ni vizongona vekora anduangi.

ZABURI 51:4

Ni oho kumoni, ee, ni oho kumoni kuekeri nikubonyere kaung'a; nabonyere ijo jiko iwiwi imbiri kwako. Kwa huwo, seji kutanyire aighu yapo ni hachi, na kutanya kwako ni kwa loli.

ZABURI 90:8

Kwaghifunukua mawiwi ghedu imbiri kwako, iro kaung'a redu ra kiviso reko worinyi imbiri yako.

MAKATANISHO 14:2

Mundu ughendagha nicha, wadamuobua BWANA, ela uo ughendagha kiwiwi, wadammenya.

ISAYA 5:24

Kwa huwo, sa iji lumu lwa modo lukoragha matasa, na sa iji koni nyasi rimerelwagha ni lumu, ni huwo koni miri yaro ichawoa, na kuboa kwaro kuchadukwa ni mbeo sa teri; kwa kukaia waileghie sharia ya BWANA wa majeshi, na kujimenya ilagho ja Mlungu, Mweli wa Israeli.

JEREMIA 18:10

nao ibonye wuwiwi mesonyi kwapo, na kuleghasikira, nichaghaluka nisighe kuibonyera agho mecha nikoghe niibonyere.

AMOSI 2:4

BWANA waghamba, “Wandu wa Juda wabonya kaung'a sena na sena; kwa wundu ugho nichawikaba. Wamenyere mafundisho ghapo na kuleghawadia memu yapo. Walaghashiro ni iyo milimu cheni ya tee eretaswagha ni weke ndee.

1 SAMUELI 15:19

Ni kwaki sena kuseremsikireghe BWANA? Kwaki koresaragha vilambo na kuvidwa wunyika hata kukabonya wuwiwi imbiri ya BWANA?”

1 SAMUELI 15:23

Angu kuleghasikira kooka sa kaung'a ya wusawi, na kughilika kooka sa wuwiwi na kaung'a etasa milimu. Kwa kukaia kwalegha kusikira momu ghwa BWANA, nao moni wori wakulegha kusekaie mzuri.”

1 SAMUELI 15:26

Samueli ukamzera Sauli, “Ndediwuyanyagha kungi, angu kwajilegha ilagho ja BWANA, nao moni wakulegha kusekaie mzuri aighu ya Israeli.”