2 SAMUELI 12:8 - Biblia Ilagho Jiboie Kwa Wandu Wose

⁸ ngakuneka ugho wuzuri orekoghe nagho, na awo waka wake; ngakuneka wandu wa Israeli na wa Juda kuwibonyere nguma; na ngera agho ghedeeka matini, neredimagha kukuchuria.

2 SAMUELI 12:8 ပူးပေါင်းရင်းမြစ်များ

2 SAMUELI 12:11

‘Ola nichakuwusiria mawiwi kufuma kwa kivalwa chako cheni. Nichawusa waka wako kukiwona, na kumneka mmbenyu mkwanye; nao uchalala nawo iruwa jikiaka.

2 SAMUELI 12:2

Uja mundu mzuri orekoghe na ng'ondi na ng'ombe nyingi nandighi;

2 SAMUELI 2:4

Niko wandu wa Juda wikacha, wikamdunga Daudi mavuda ukaie mzuri aighu ya Juda. Nao iji Daudi waghorelwa kukaia wandu wimrikie Sauli ni wa Jabeshi-gileadi,

2 SAMUELI 5:5

Orechibonyereghe kichuku cha Juda nguma aja Hebroni kwa miaka mfungade na meri irandadu, na aja Jerusalemu, ukawibonyera Waisraeli wose nguma, chiaimweri na kichuku cha Juda, kwa miaka mirongo idadu na idadu.

2 SAMUELI 7:19

Nao sena ee Bwana MLUNGU, kukawona agho ni matini, kukachuria kulaghira kukaia kuchaniaghia ini mdumiki wako nyumba matuku ghichagha; sena kwaja malagho gha kivalwa chake chichagha ee Bwana MLUNGU!

2 SAMUELI 9:7

Daudi ukamzera, “Kusakeobua, kwa kukaia nichakubonyera mecha kwa wundu ghwa ndeyo Jonathani; sena ndoe rose ra wawayo Sauli nichakuwunjira, na oho kuchakaia kukija mezenyi kwapo matuku ghose.”

1 WAZURI 2:22

Mzuri Solomoni ukamzera mae, “Kwaki kulombagha Abishagi Mshunami ulowolo ni Adonija? Kumlombie hata na wuzuri wori, kwa kukaia uo ni m'baa wapo; sena mkohani Abiathari, na Joabu mwana wa Seruia weko luwaru lwake.”

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ZABURI 86:15

Ela oho ee BWANA koko Mlungu wa wughoma na mvono; wa mboa kubonya machu na wa lukundo lukatie na wuloli.

WAROMA 8:32

Uo useremmbonieghe wughoma Mwana wake moni, ela ukamfunya kwa wundu ghodu isi diwose, uchalegha wada kudineka vindo vose andwamweri nao?

1 SAMUELI 15:19

Ni kwaki sena kuseremsikireghe BWANA? Kwaki koresaragha vilambo na kuvidwa wunyika hata kukabonya wuwiwi imbiri ya BWANA?”