2 SAMUELI 12:31 - Biblia Ilagho Jiboie Kwa Wandu Wose

³¹ Ukawidwa wunyika wandu wa ugho muzi, ukawiwika wibonye kazi na misumeno, na sururu ra chuma, na masoka gha chuma; ukawiwika wibonyeghe matofali. Na huwo niko orebonyereghe kwa mizi yose ya Waamoni. Niko Daudi na wandu wose wikawuya Jerusalemu.

2 SAMUELI 12:31 ပူးပေါင်းရင်းမြစ်များ

2 SAMUELI 8:2

Niko ukawisima wandu wa Moabu, ukawirarisha wafungwa andoenyi zaria-zaria na kubwagha zaria iwi ra wandu kwa kula zaria idadu. Wamoabu wikawuya wadumiki wa Daudi, wikakaia wikilipa kodi kwake.

1 MALAGHO GHA NGELO 20:2

Daudi ukawada kirumbu cha mzuri wawo kufuma chongonyi kwake; ukawona cheko na wulemeri ghwa kilo mirongo idadu na inya na andenyi yaro korekoghe na igho ja zoghori mbaa; Daudi ukachingira chongonyi kwake. Ukareda vilambo vingi nandighi viwadilo va ghuja muzi.

1 MALAGHO GHA NGELO 20:3

Na awo wandu werekoghe andenyi ukawireda na kuwidumikisha kwa kazi ra misumeno, shilanga, na masoka; huwo niko Daudi orebonyereghe kwa mizi yose ya Waamoni. Niko Daudi chiaimweri na wandu wose wikawuya Jerusalemu.

JEREMIA 43:9

ukighamba, “Duka magho mabaa, kughivise andenyi ya chokaa, aho mbengenyi engia cha ngomenyi kwa Farao iko Tahpanesi, wandu wose wa Juda wikizighana;

AMOSI 1:13

BWANA waghamba, “Wandu wa Amoni wabonyere kaung'a sena na sena; kwa wundu ugho nichawikaba. Wuda ghwawo ghokunda kuchuria isanga warashue waka wa Gileadi wiko na vifu.

AMOSI 1:14

Kwa huwo nichaduma modo aighu ya wurigha ghwa muzi ghwa Raba, nagho ghuchakora ngome rake. Kuchakaia na ngemi ituku ja wuda, nagho ghuchabia sa kiremba.

AMOSI 1:3

BWANA waghamba, “Wandu wa Dameshki wabonyere kaung'a sena na sena; kwa wundu ugho nichawikaba. Wakorongie wandu wa Gileadi kwa lung'eto lubaa.

WAEBRANIA 11:37

Werelasiroghe na magho, weredumbuloghe na misumeno, werebwaghiloghe kwa lufu, werekoghe wikimara-mara wikirwa mirongo ya ng'ondi na ya mburi; werekoghe wakiwa, wandu wa wasi, wikorongelo.

JOSHUA 10:15

Nyuma ya agho, Joshua ukawuya na majeshi ghake ghose cha kambinyi aja Gilgali.