2 SAMUELI 12:16 - Biblia Ilagho Jiboie Kwa Wandu Wose

¹⁶ Daudi ukakaia ukimvoya Mlungu kwa wundu ghwa uja mwana; ukangia chumbenyi, ukakaia ukilala andonyi na kufunga tumu kula kio.

2 SAMUELI 12:16 ပူးပေါင်းရင်းမြစ်များ

2 SAMUELI 12:15

Nao Nathani ukaghala cha nyumbenyi kwake. Nao BWANA ukamkaba uja mwana orevailoghe Daudi ni mka-Uria, ukawuya mkongo.

2 SAMUELI 12:22

Nao ukaghamba, “Iji mwana orekoghe moyo, nerefungieghe tumu ngilila; kwa kukaia neregheshereghe, ‘Kewada BWANA wadima kuniwonia wughoma mwana wapo uboo.’

2 SAMUELI 13:31

Nao mzuri ukawuka kimusi ukarashua nguwo rake, ukalala andonyi; wadumiki wose awa orekwanyeghe nawo, wokoni wikarashua nguwo rawo.

1 WAZURI 21:27

Ahabu uendasikira malagho agho, ukarashua nguwo rake na kurwa nguwo ra magunia; ukafunga tumu na kulala magunienyi ukikusera nandighi.

NEHEMIA 1:4

Niendasikira malagho agho, ngasea kidombo na kulila. Nerelilieghe na kufunga tumu kwa matuku mengi, ngilomba Mlungu ngighamba,

ESTA 4:16

“Ghenda kuwikwanye Wayahudi wose wiko Susa, wikufunye kufunga tumu na kulomba kwa wundu ghwapo, mseje hata kunywa kindo chingi kwa matuku adadu na vio varo. Wai wapo wa kazi chiaimweri nani dichabonya wokoni. Konyuma nichaghenda kwa mzuri hata ngera sharia yaleghie. Ikakaia ni kufwa, nifo.”

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

ZABURI 69:10

Iji nerelilieghe ngifunga tumu, neresholeloghe ni wandu.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

ISAYA 26:16

Werekulolieghe ngelo ya wasi ghwawo; iji korewikabieghe, wikareda malombi kwako, ee BWANA.

DANIELI 6:18

Mzuri ukawuya cha ngomenyi kwake, ukalalafunga tumu chee, na ngoma ringi nderikabilo, hata dilo rikaela.

DANIELI 9:3

Niko ngamghalukia BWANA Mlungu na kumlomba kwa kufunga ndighi; ngimlomba na kuvoya kwa kufunga tumu na kurwa nguwo ra magunia, na kusea kidombo ivunyi.

JONA 3:9

Nani umanyagha kewada Mlungu wadima kughalua maghesho uhoreshe machu ghake ghibirie eri disechetota?”

MABONYO GHA WADUMI 9:9

Ukakaia usewonagha kwa matuku adadu, na ngelo iyo nderejieghe hata kunywa kindo chingi anduangi.

JOSHUA 7:6

Nao Joshua andwamweri na vilongozi va Israeli wikarashua nguwo rawo kwa wasi, wikaghwa kiwushu-wushu imbiri ya Sanduku ya Ilaghano, wikakudunga teri vongonyi kwawo na kuwonyera wasi ghwawo, na kulala aho hata luma lwa kenyi.