2 SAMUELI 12:13 - Biblia Ilagho Jiboie Kwa Wandu Wose

¹³ Nao Daudi ukamzera Nathani, “Nam'bonyere BWANA kaung'a.” Nathani ukamzera Daudi, “Wokoni BWANA nao, wainja kaung'a yako; ndekufwagha kungi.

2 SAMUELI 12:13 ပူးပေါင်းရင်းမြစ်များ

KUZOYA 39:9

hata uo moni ndenichumbie kwa wubaa andenyi ya nyumba ihi, sena ndenighirie kilambo chingi, ela oho kumoni kuekeri kwa kukaia koko muka wake. Idana idimika wada kwapo ini nighubonye wuwiwi ghung'ane huwu, na kum'bonyera Mlungu kaung'a?”

2 SAMUELI 24:10

Ela Daudi ukatanywa ngolonyi kwake nyuma ya kuwitala wandu. Daudi ukamzera BWANA, “Nabonya kaung'a nandighi kwa wundu ghwa agha nabonya; ela idana ee BWANA, nakulomba kuinje nambai wuwiwi ghwapo ini mdumiki wako, angu nabonya wukelu nandighi.”

2 SAMUELI 24:17

Daudi uendammbona uja malaika ototesha ukamzera BWANA, “Ola mkosa ni ini, ni ini nabonya kaung'a, ela awandu wabonya wada? Nakulomba kunikabe ini na nyumba ya aba.”

1 WAZURI 13:4

Mzuri uendasikira agho malagho gha mlodi, ukamloda ukighamba, “Mmbwadenyi uo mundu.” Nao mkonu ghwake ghukakelemia, ukalemwa ni kughukucha.

1 WAZURI 21:20

Ahabu uendammbona Elija ukamzera, “Kwaniwada nga m'maiza wapo?” Elija ukatumbulia, “Ee, nakuwada; oho kwamerie kukufunya kubonya mawiwi imbiri ya BWANA.

1 WAZURI 22:8

Ahabu ukamzera Jehoshafati, “Wasigharika mundu umweri okotia, nao ni Mikaia mwana wa Imla; ela wadanizamia angu jingi usenilodiagha mecha, ela wadanilodera mawiwi toe.” Jehoshafati ukaghamba, “Ii hata, kuseghore huwo.”

2 WAZURI 1:9

Nao mzuri ukaduma m'baa wa ijeshi na wandu mirongo misanu wimrede Elija. Ukajoka kwa Elija ukamkua uko kidombo koighu mghondinyi, ukamzera, “Ee mundu wa Mlungu, mzuri waghamba kusee.”

1 MALAGHO GHA NGELO 21:8

Daudi ukamzera BWANA, “Nabonya kaung'a mbaa nandighi kwa kubonya ilagho iji. Ela idana nakulomba kuniinjire kaung'a yapo ini mdumiki wako; angu nabonya wukelu m'baa.”

2 MALAGHO GHA NGELO 16:10

Niko Asa ukajokwa ni machu aighu ya mlodi, ukamfunganya na vilingo va mudi, na kumngira jela, angu orekoghe na machu mabaa kwa wundu ghwa ilagho ijo. Ngelo iyo cheni, Asa ukawikoronga wandu wamu na ndighi.

2 MALAGHO GHA NGELO 25:16

Ela usendeemeria kudeda, mzuri ukamzera, “Ni lii dikubonyere mnjama wa mzuri? Nyama kima! Kookunda kifwa?” Mlodi ukanyama kima nyuma ya kughora, “Namanya Mlungu oowona ukutoteshe, kwa kukaia kwabonya iji ilagho, sena kukalega njama yapo.”

AYUBU 33:27

Uchacha imbiri ya wandu ukighamba: ‘Nabonyere kaung'a, ngailaghasha hachi; ela Mlungu ukanifuya wughoma.

ZABURI 103:12

Wadadiinjira kaung'a redu rikaie kula nesi, sa mashariki na magharibi.

ZABURI 51:16

Ndekuboilwagha ni vizongona, kumangu nakufunyira; ndekuboilwagha ni vizongona vekora anduangi.

ZABURI 51:4

Ni oho kumoni, ee, ni oho kumoni kuekeri nikubonyere kaung'a; nabonyere ijo jiko iwiwi imbiri kwako. Kwa huwo, seji kutanyire aighu yapo ni hachi, na kutanya kwako ni kwa loli.

ZABURI 51:6

Oho kwadakunda loli ya kondenyi; kunifundishe hikima ya ngolonyi.

KUFUMA 9:27

Nao Farao ukaduma Musa na Haruni wiwango, ukawizera, “Ngelo ihi nabonya kaung'a, BWANA oko na hachi; ela ini na wandu wapo deko na makosa.

MAKATANISHO 25:12

Mundu wa hikima ummbonyeragha mmbao ilagho uko tayari kusikira, oko wa zoghori kuchumba pete ya dhahabu angu mapambo gha dhahabu.

MAKATANISHO 28:13

U mundu uvisagha makosa ghake ndepatagha mecha, ela uhu ughirumiriagha na kughisigha uchafuilwa wughoma ni Mlungu.

ISAYA 38:17

Ola wasi ghwapo ghwaniredia mecha; kwa kunikunda, kwanilindirie nisechunuke andenyi ya kina cha kunoneka, kwa kukaia kwainjire kaung'a rapo rose kuseriwoneghe.

ISAYA 43:24

Ndekunighue marumba na pesa rako, hata kunibonya nikato ni mavuda gha vizongona vako. Ela korenilemeshereghe kwa kaung'a rako na kunisirisha ndighi kwa mawiwi ghako.

ISAYA 44:22

Namerie kuinja makosa ghako sa iwingu, na kaung'a rako sa ikungughu; wuya kwapo, kwa kukaia namerie kukukombua.”

KILILO CHA JEREMIA 3:32

Wadima kudiredia wasi, ela kwa loli wadikunde putu.

WALAWI 20:10

“Mndungi ukabonya wulaki na muka wa mmbao, waja walaki wose, mndwawomi na muka wibwaghwa.

WALAWI 24:17

Uo ose uchaabwagha mundu uchabwaghwa.

ZEKARIA 3:4

Malaika ukawizera wambao werekoghe kimusi imbiri kwake, “Mruonyi iro nguwo rilue.” Ukamzera Joshua, “Ola nakuinjira kaung'a yako, nani nichakurusha nguwo ra zoghori mbaa.”

MATHAYO 14:10

Niko Herode ukaduma mundu, Johane udumbulo chongo aho kifungonyi.

LUKA 15:21

“Uja mwana ukamzera, ‘Aba, nabonyere kaung'a imbiri ya Mlungu na imbiri kwako, hata sifwane ini kuwangwa mwanwako anduangi.’

LUKA 18:13

Ela uja mmbwadi wushuru ukakaia kula koni, nao nderekundieghe hata kuwusira meso ghake cha mlungunyi, ela ukakukaba-kaba moni laghenyi kwake ukighamba, ‘Ee Mlungu, kunifue wughoma ini mundu wa kaung'a.’”

MABONYO GHA WADUMI 2:37

Nao iji wereghisikireghe agho, wikadungwa ngolonyi kwawo wikamzera Petro na wadumi wambao, “Dibonya wada wanidu?”

WAEBRANIA 9:26

angu aho yadakaia utiriro kalazi kufuma wurumwengu ghwazoya. Ela seji iko, wamerie kuwoneka indo jimweri tua ngelo ra kutua, upate kuriinja kaung'a kwa kukufunya kizongona moni.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

1 SAMUELI 15:20

Niko Sauli ukamzera Samueli, “Namsikira BWANA putu, ngaghenda sa iji koni BWANA orenidumieghe; nani namreda Agagi mzuri wa Amaleki, na kuwitotesha Waamaleki wose putu.

1 SAMUELI 15:30

Sauli ukatumbulia, “Nabonya kaung'a elaima leka sinda niposhua imbiri ya wabaa wa wandu wapo, na imbiri ya Israeli. Nisighe dighendanye niwonemtasa BWANA Mlungu wako.”