2 SAMUELI 11:1 - Biblia Ilagho Jiboie Kwa Wandu Wose

¹ Nao iji kimu chavika, ingelo wazuri wighendagha wudenyi, Daudi ukamduma Joabu na wabaa, na majeshi gha Waisraeli wose. Wikawikaba Waamoni na kughumara muzi ghwa Raba. Ela Daudi ukasigharika Jerusalemu.

2 SAMUELI 11:1 ပူးပေါင်းရင်းမြစ်များ

2 SAMUELI 10:14

Waamoni wiendawona kukaia Wasiria wakimbia, nawo weni wikamkimbia Abishai na kungia cha mzinyi kwawo. Niko Joabu ukasigha kulwa na Waamoni, ukawuya cha Jerusalemu.

1 WAZURI 20:22

Niko uja mlodi ukamghendia mzuri wa Israeli ukamzera, “Boisa ijeshi jako tayari, kubonye mipango nicha; kwa kukaia kutuonyi kwa mwaka mzuri wa Siria uchacha kulwa na oho.”

1 WAZURI 20:26

Kimu chinughie, Ben-hadadi ukatumbanya wandu wake, ukafuma ukaghenda muzi ghwa Afeki; upate kulwa na Waisraeli.

1 MALAGHO GHA NGELO 20:1

Kimu cha ghadi na ghadi ya kwari na sumesu, ingelo wazuri wifumagha kwendalwa wuda, Joabu ukajilongoza ijeshi, ukajiwada isanga ja Waamoni. Wikacha na kughumara muzi ghwa Raba, ela Daudi ukasigharika Jerusalemu. Joabu ukaghukaba muzi ghwa Raba ukaghusima.

2 MALAGHO GHA NGELO 36:10

Ghadi na ghadi ya mwaka, mzuri Nebukadnezari ukaduma wandu wikamreda Babuloni na vilambo va zoghori mbaa va Hekalu; Nebukadnezari ukam'bonya mruna Sedekia ukaie mzuri aighu ya Juda na Jerusalemu.

ZABURI 60:9

Nani uchaanighenja muzi ghwa ngome? Nani uchaanilongoza cha Edomu?

MCHILI 3:8

ngelo ekunda na ngelo ezamilwa; ngelo ya wuda na ngelo ya sere.

JEREMIA 49:2

Olenyi matuku ghichacha, nani nichabonya kililo cha wandu chisikirike muzi ghwa Raba ghuko kwa Waamoni, nagho ghuchasighwa mduu, na mizi yaro mitini ichakorwa; niko aho Israeli ichawunja isanga jake, waghamba BWANA.

JEREMIA 49:3

Lilenyi ee wandu wa Heshboni, angu muzi ghwa Ai ghwasighwa mduu; ronyi nguwo ra magunia kwa wasi mkeme, ee wai wa Raba, lilenyi mkimbie na imbiri na nanyuma awurighenyi; kwa kukaia mlungu ghonyu Moleki ghuchabarishwa chiaimweri na wakohani na wabaa.

EZEKIELI 21:20

Kuwonyere chia eghenda Raba kwa Waamoni, na eghenda Juda, na ngomenyi ya Jerusalemu; mzuri upate kuida na lufu lwake.

AMOSI 1:14

Kwa huwo nichaduma modo aighu ya wurigha ghwa muzi ghwa Raba, nagho ghuchakora ngome rake. Kuchakaia na ngemi ituku ja wuda, nagho ghuchabia sa kiremba.

ZEKARIA 14:3

Niko BWANA uchaghenda kulwa na iro mbari ra wandu seji orelwagha ngelo riidie.

WUKUMBUSO 3:11

(Ogu mzuri wa Bashani nuo oresigharikieghe uekeri wa agho masighariko gha Warefai. Wuli ghwake ghorekoghe ghwa chuma, nagho ghwaduagha ghukiwoneka aho Raba kwa Waamoni; ghorekoghe na wulacha ghwa meta inya na wushapa ghwa kaavui meta iwi kunughana na vipimo va matuku ghose).

1 SAMUELI 18:30

Wabaa wa Wafilisti wikacha sena kwa wuda, na sa matuku ghose, iji wamchea Daudi, Daudi ukakaia na wusimi m'baa kuchumba wabaa wose wa Sauli; na irina jake jikakaia na ishima ibaa.