2 SAMUELI 1:22 - Biblia Ilagho Jiboie Kwa Wandu Wose

²² Ngelo ebwagha mang'oni gha wudenyi, ndana ya Jonathani jingi ndeighoshere; na lufu lwa Sauli ndeluwurie luduu.

2 SAMUELI 1:22 ပူးပေါင်းရင်းမြစ်များ

JEREMIA 50:9

Zighanenyi, nicharinyavurisha iro mbari nyingi ra wandu wiche kufuma kaskazinyi kulwa na Babuloni, wichakuboisa weni kwa wuda aighu ya Babuloni, na aho wichaghuwada ugho muzi. Mawanu ghawo gheeka sa wandu mang'oni wiko na akili, wisewuyagha mikonu miduu.

WUKUMBUSO 32:42

Mawanu ghapo ghicharogha bagha yawo, na lufu lwapo luchabwagha wose winitangalagha. Sichaasigha mndungi ulwagha nani; hata awo wishoghonokie na wafungwa wichafwa.’

1 SAMUELI 14:47

Sauli uendawada wuzuri aighu ya Israeli, ukalwa na wamaiza wake kula andu; ukalwa na Wamoabu, na Waamoni, na Waedomu, na wazuri wa Soba, na Wafilisti; andu kose orelueghe nawo ukakaia ukiwisima.

1 SAMUELI 14:48

Ukalwa kwa wuing'oni na kuwikaba Waamaleki, hata ukawikira Waisraeli kufuma kwa makorongo gha awo wandu wose.

1 SAMUELI 18:4

Jonathani ukafunya ijoho jake na kumneka Daudi, chiaimweri na maswagha ghake, hata lufu lwake na ndana na zaka yake.