2 SAMUELI 1:2 - Biblia Ilagho Jiboie Kwa Wandu Wose

² Ituku ja kadadu, mndumu ukacha kufuma kambinyi ya Sauli, wameria kurashua nguwo rake na kukudunga ndoe chongonyi kwake kuwonyera wasi. Hata iji wacha kwa Daudi, ukaghwa na kudunga chongo chake andonyi kwa ishima.

2 SAMUELI 1:2 ပူးပေါင်းရင်းမြစ်များ

KUZOYA 22:4

Hata ituku ja kadadu, Abrahamu ukazighana ukakuwona andu kwaro kwa kula.

KUZOYA 37:29

Nao iji Reubeni orewurieghe kinenyi na kumsowa Josefu, ukarashua nguwo rake kwa wasi,

KUZOYA 37:34

Nao Jakobo ukarashua nguwo rake kwa wasi, ukarwa nguwo ya igunia kiwonunyi kwake, na kumlilia mwana wake kwa matuku mengi.

KUZOYA 43:28

Nao wikaghamba, “Mdumiki wako aba oko mana, waduagha moyo.” Wikaghoghomesha vongo vawo kwa ishima ibaa.

2 SAMUELI 1:3

Nao Daudi ukamkotia, “Kwafuma hao?” Ukatumbulia, “Naafufunuka kufuma kambinyi ya Waisraeli.”

2 SAMUELI 13:19

Tamari ukakudunga ivu chongonyi, ukarashua jija irinda jake ilacha orejirwaeghe, ukaduka mikonu yake chongo, ukaghenda ukikema na kulila.

2 SAMUELI 14:4

Uja muka wa Tekoa uendavika kwa mzuri, ukaghwa kiwushu-wushu na kudunga chongo chake andonyi kwa ishima, ukamzera mzuri, “Nitesie ee mzuri.”

2 SAMUELI 15:32

Nao iji Daudi wavika koighu mghondinyi andu Mlungu oretaswagha, ukammbona Hushai, Muariki wacha kukwana nao; nguwo rake rarashuka sena wakudunga ndoe chongonyi kwake.

2 SAMUELI 24:20

Nao iji Arauna orezighanireghe nokoisi, ukammbona mzuri na wabaa wake ukimchea; Arauna ukaghenda na kughoghoma kwa ishima.

2 SAMUELI 4:10

iji mndumu orechieghe na kunighoria wei ‘Sauli wafwa’, ukighesha huwo waareda malagho mecha, neremmbwadieghe na kum'bwagha aho Siklagi; na agho nigho gherekoghe malipo ghake neremnekieghe kwa agho malagho ghake.

ESTA 4:16

“Ghenda kuwikwanye Wayahudi wose wiko Susa, wikufunye kufunga tumu na kulomba kwa wundu ghwapo, mseje hata kunywa kindo chingi kwa matuku adadu na vio varo. Wai wapo wa kazi chiaimweri nani dichabonya wokoni. Konyuma nichaghenda kwa mzuri hata ngera sharia yaleghie. Ikakaia ni kufwa, nifo.”

ESTA 5:1

Nao ituku ja kadadu ja kufunga tumu, Esta ukarwa marwao ghake gha kiwuzuri na kungia waza ya ndenyi ya ngome, kulangaya baraza ya mzuri. Mzuri orekoghe andenyi wasea kidombo kifumbinyi chake cha nguma, kulangaya mnyango ghwa ngome.

ZABURI 66:3

Ghambenyi kwa Mlungu, “Mabonyo ghako ni gha mashiniko saki! Ndighi rako ni mbaa hata wamaiza wako wiakughoghomia.

EZEKIELI 27:30

wikikulilia na kukema kwa kuwawa kubaa. Wakumba teri aighu ya vongo vawo, na kughala-ghala a ivunyi;

HOSEA 6:2

Nyuma ya matuku awi uchadirukisha, na ituku ja kadadu uchadimangisha, dipate kukaia kimusi imbiri kwake.

JOELI 2:13

Rashuonyi ngolo renyu nguwo mbai.” Wuyenyi kwa BWANA, Mlungu onyu. Uo wachua mvono na wughoma, wachua irumaghio, nao wadamaziria malaghiro ghake; wadafuya wughoma na kuleka kukaba.

MATHAYO 12:40

Angu sa iji koni Jona orekaieghe matuku adadu na vio varo andenyi ya kifu cha mngumi, niko koni na Mwana wa Mdamu uchaakaia andenyi ndoenyi matuku adadu.

MATHAYO 16:21

Kufuma ngelo iyo, Jesu ukazoya kuwighoria wanughi wake worinyi, “Ni suti ini nighende Jerusalemu, na aho nichatirirwa maza nyingi ni waghosi, wakohani wabaa, na walimu wa Sharia. Nichabwaghwa, ela ituku ja kadadu nicharukishwa.”

JOSHUA 7:6

Nao Joshua andwamweri na vilongozi va Israeli wikarashua nguwo rawo kwa wasi, wikaghwa kiwushu-wushu imbiri ya Sanduku ya Ilaghano, wikakudunga teri vongonyi kwawo na kuwonyera wasi ghwawo, na kulala aho hata luma lwa kenyi.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.

1 SAMUELI 20:41

Uja mwana uendaghenda, Daudi ukafuma aja ukuvisireghe kitungunyi cha magho, ukaghwa kiwushu-wushu imbiri ya Jonathani mando adadu; wikawadana na kususughana wikilila hata Daudi ukalila kuchumba.

1 SAMUELI 25:23

Nao iji Abigaili wammbona Daudi, ukasea shwa-shwa kufuma pundenyi, na kughwa imbiri ya Daudi kiwushu-wushu, ukadunga wushu ghwake andonyi.

1 SAMUELI 4:12

Nao mndumu wa kivalwa cha Benjamini ukakimbia kufuma wudenyi, ukaghenda na kuvika Shilo ijo ituku jeni; orekoghe warashua nguwo rake na kukudunga ndoe ra chongo kwa wasi.

1 SAMUELI 4:16

Uja mundu ukamzera Eli, “Ini ne uja mundu nakimbia kufuma wudenyi idime.” Eli ukamkotia, “Malagho ghaenda wada mwanwapo?”