2 SAMUELI 1:1 - Biblia Ilagho Jiboie Kwa Wandu Wose

¹ Nyuma ya kifwa cha Sauli, Daudi ukawuya kufuma kuwibwagha Waamaleki; ukakaia Siklagi matuku awi.

2 SAMUELI 1:1 ပူးပေါင်းရင်းမြစ်များ

KUZOYA 14:7

Konyuma wikaghaluka na kuwuya wikavika En-mishipati nigho Kadeshi, wikajikaba isanga jose ja Waamaleki na Waamori werekoghe wikikaia Hazazoni-tamari, wikawisima.

1 SAMUELI 27:6

Niko Akishi ukamneka Daudi muzi ghwa Siklagi ituku jija; na muzi ugho ghwaduagha ghwa wazuri wa Juda hata idime.

1 SAMUELI 30:1

Ituku ja kadadu, Daudi na wandu wake wikavika Siklagi. Wikakua Waamaleki wajokeria chia ya Negebu; wikaghungiria ugho muzi ghwa Siklagi na kughukora.

1 SAMUELI 31:4

Nao Sauli ukamzera uja mdawana oremdukiagha maswagha ghake, “Kua lufu lwako kunidunge nalo nisechewadwa ni awandu wiseshamishiro, nao winidunge na kuniseka.” Ela uja mdawana ukalemwa angu oreobueghe nandighi. Kwa huwo Sauli ukaludegha lufu lwake, ukalughuya na kukudunga nalo.

1 SAMUELI 31:6

Huwo niko Sauli orefueghe na wana wake wadadu, na uja mdawana oremdukiagha maswagha, na wandu wake wose wikafwanya kwa ituku jimweri.