2 PETRO 2:2 - Biblia Ilagho Jiboie Kwa Wandu Wose

² Na wandu wengi wichanugha mabonyo ghawo ghizamie, na kwa wundu ghwawo, ija Chia ya loli ichadukanwa.

2 PETRO 2:2 ပူးပေါင်းရင်းမြစ်များ

KUZOYA 19:5

wikamkotia Loti, “Waja wandu wingirieghe kwako luma lwa kenyi weko hao? Wifunye diwimanye.”

ZABURI 18:21

Nailindirie sharia ya BWANA, hata sikosere kwa kumsigha Mlungu wapo anduangi.

ISAYA 35:8

Chia mbaa ichakaia aho, nayo ichawangwa “Chia ya Wueli.” Mundu useelie ndechaidiria iyo chia, na wakelu ndewichaalaghaya aho.

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

MATHAYO 22:16

Wikamdumia wamu wa wanughi wawo chiaimweri na wanjama wa Herode wikighamba, “Mwalimu, dakumanya angu koko mloli, na chia ya Mlungu kwadaifundisha kwa loli, hata ndekutalagha mndungi, angu kusetalagha mawubaa gha wadamu anduangi.

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

MATHAYO 7:14

Ela mnyango ni msuse, na chia eghenda iranginyi ni ya wasi; nayo ni wandu watini wiiwonagha iyo chia.

MARKO 12:14

Nawo wiendavika, wikamzera, “Mwalimu, dakumanya oho koko mloli, hata ndekuobuagha angu kutala wubaa ghwa mndungi anduangi, ela kwadafundisha kwa loli chia ya Mlungu. Welee, keni ni hachi kulipa kodi kwa Kaisari angu siko kungi?

MARKO 13:22

Angu wichawuka weke Kristo wa tee, na walodi wa tee; wichawonyera wandu alama na mashiniko, kwa kuwilaghasha; hata ngera kudimika, na waja wasaghulwa wori.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

MABONYO GHA WADUMI 13:10

ukaghamba, “Mwana wa Mmbiwi oho! M'maiza wa hachi yose, kuchue mikalo na mawiwi ghose; ndekulekagha kurinona chia ra Bwana righorokie?

MABONYO GHA WADUMI 14:2

Ela Wayahudi wiserumirie, wikawidemua wandu wa mbari zima na kuwibonya wizamilo ni wanidu.

MABONYO GHA WADUMI 16:17

Ukamnugha Paulo andwamweri nesi ukighora kwa lwaka lubaa, “Wandu awa ni wadumiki wa Mlungu Uko Aighu Na Ndighi, nawo wamchilia malagho gha kukia.”

MABONYO GHA WADUMI 18:26

Ukazoya kughora kwa wuwana andenyi ya sunagogi; ela iji Prisila na Akula wamsikira, wikamdwa kwawo na kummbonyera nicha chia ya Mlungu.

MABONYO GHA WADUMI 19:9

Ela iji wamenya na kulegha kurumiria, wikiidedia kiwiwi Chia ya Bwana imbiri ya wandu, Paulo ukawisigha; ukadwa awo wanughi, na kula ituku ukakotiana nawo malagho andenyi ya nyumba ekwania ya Turano.

MABONYO GHA WADUMI 22:4

Nerewikorongieghe nandighi hata kuwibwagha wandu werekoghe wikiinugha Chia ihi. Ngawifunga na kuwingira jela womi na waka wori;

MABONYO GHA WADUMI 24:14

Ela ilagho iji, ijo najirumiria, kukaia naawuyamtasa Mlungu wa weke aba kunughana na ija Chia wiiwangagha ya tee, ngirumiria maza rose riwikilo ni Sharia, na kuandikwa ni walodi.

WAROMA 2:24

Sa iji iandikilo “Irina ja Mlungu jasholelwa aghadi ya wandu wa mbari zima kwa wundu ghonyu.”

1 TIMOTHEO 5:14

Kwa wundu ugho, niawona waka wifuilo ni womi wawo wiko watini, wilowolo, wive wana, wiribonyere nguma nyumba rawo; wisechemneka mmaiza wulalo ghodisholia.

TITO 2:5

wikaie na akili, wielie, wezighana kazi ra nyumbenyi, wikaie wecha, wekusera kwa womi wawo; eri ilagho ja Mlungu jisepate kumenywa.

TITO 2:8

kwa madedo gha loli ghisedimagha kufunywa makosa; eri mtangali upate kufushwa waya, kwa kusowa ilagho jingi iwiwi jeghora.

1 PETRO 2:12

Mkaie na tabia ndicha aghadi ya wandu wa mbari zima; eri wikakaghora aighu yenyu wei mo wabonyi kiwiwi, wiriwone kazi renyu riboie, na kumkasa Mlungu ijo Ituku uchagha.

2 PETRO 2:12

Ela awo wandu, wiko sa nyamandu risewadie akili, rivalo tu, ridimagha kuwadwa na kubwaghwa, washolia maza wiserimanyagha; nawo wichatoteshwa kunughana na ghuja wuwiwi ghwawo ghoni;

2 PETRO 2:15

Walagharie kwa kusigha chia ya loli; nawo wanughie chia ya Balaamu mwana wa Beori, uo orekundieghe fwaida kwa kubonya kiwiwi;

2 PETRO 2:18

Angu, wikideda madedo gha kukukasa gha wukelu, wawiruda kwa bea rawo ra wulaki wandu wimerie kufufunuka kafwani kufuma kwa awo wikaiagha makosenyi.

2 PETRO 2:21

Angu ekaiagha nicha kumangu wisereimanyireghe iyo chia ya hachi jingi, kuchumba kuimanya ima wiwue nyuma, na kughusigha ghuja momu ghuelie ugho werenekeloghe.

2 PETRO 2:7

Ukamvuvua Loti uja mhachi, nao orekoghe na wasi m'baa kwa wundu ghwa uko kulaka kuzamie kwa wandu wawiwi.

JUDA 1:10

Ela awa wandu wadashola kwa ijo jose jisewitambukiagha, nawo kwa maza ireni wiriichi kwa tabia ya asili, sa nyamandu risewadie akili, wakunona weni.

JUDA 1:15

kuwitanya wandu wose, na kuwiwonyera mabonyo ghawo ghose ghiseko na kuobua kwa Mlungu, agho wibonyere kwa iyo chia iseko na kuobua kwa Mlungu; na kwa wundu ghwa maza rose rizamie awo wakaung'a wisewadie kuobua kwa Mlungu wiridedie aighu ya Mlungu.”

JUDA 1:4

Angu weko wandu wamu wikungirie kwa kiviso, nawo ni wandu werewikiloghe kokala kwa wundu ghwa kutanywa uku; wandu wisene kuobua kwa Mlungu, awo wighughaluagha ugho mvono ghwa Mlungu odu kukaia wuwiwi, na kumkana uo uko Mzuri ueka, na Bwana odu Jesu Kristo.

JUDA 1:7

Ni seji koni Sodoma na Gomora, na mizi erekoghe mbai mbai yaro, iyo wandu waro werekoghe wikibonya mawiwi kwa kulaka na bea riseko ra asili, yakaia mfwano kwa kupata adhabu ya modo ghwa kala na kala.

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

WUFUNUO 13:14

Nayo yawikalia wandu wose wikaiagha ndoenyi kwa awo weke mwakilimbiti ererumiriloghe kuwibonya imbiri ya iyo nyamandu; ikiwilaghira angu wibonye fwana etaswa, kwa ishima ja iyo nyamandu ya imbiri ereshoghonologhe kwa lufu, na kukaia moyo sena.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.