2 JOHANE 1:3 - Biblia Ilagho Jiboie Kwa Wandu Wose

³ Mvono, na wughoma, na sere ifumagha kwa Mlungu Aba na kwa Jesu Kristo Mwana wa uja Aba, ichakaia andwamweri nesi kwa loli na lukundo.

2 JOHANE 1:3 ပူးပေါင်းရင်းမြစ်များ

ZEKARIA 8:19

“Kufunga tumu kubonyero mori ghwa kana, na ghwa kasanu, na ghwa mfungade, na ghwa ikumi, kuchawuya ndima ra kuseka na kuboilwa kwa wandu wa Juda. Muikunde loli na sere.”

WAROMA 1:7

Namuandikia inyo wakundwa wose wa Mlungu muko Roma, muwangilo mkaie waeli. Mvono ndeghukaie konyu na sere ifumagha kwa Mlungu Aba odu na kwa Bwana Jesu Kristo.

WAGALATIA 5:6

Angu andenyi ya Kristo Jesu, kushamishwa na kulegha kushamishwa si kindo chingi anduangi; ijo jikundikie ni irumirio jibonyagha kazi kwa lukundo.

1 TIMOTHEO 1:14

na Bwana oredirieghe mvono ghwake aighu yapo kwa wungi, chiaimweri na irumirio, na lukundo luko andenyi ya Kristo Jesu.

1 TIMOTHEO 1:2

Nakuandikia oho Timotheo, mwanwapo tiki kwa irumirio. Mvono ndeghukaie kwako, na wughoma, na sere ifumagha kwa Mlungu Aba, na kwa Kristo Jesu Bwana odu.

2 TIMOTHEO 1:13

Nugha mfwano ghwa malagho gha loli, agho koreghisikireghe kwapo, kwa irumirio na lukundo luko andenyi ya Kristo Jesu.

1 JOHANE 4:10

Ulu nilo lukundo, si angu wei deremkundieghe Mlungu, ela uo nuo oredikundieghe, hata ukamduma Mwana wake upate kukaia wushano kwa wundu ghwa kaung'a redu.

2 JOHANE 1:1

Ini mghosi, nakuandikia oho mkeku msaghulwa na wana wako, niwikunde kwa loli; hata si ini moni niekeri anduangi, ela na awo wose wiimanyagha iyo loli wori;