1 WAZURI 9:8 - Biblia Ilagho Jiboie Kwa Wandu Wose

⁸ Hekalu ihi ichawuya kifungu cha ighacho. Kula mundu uchaaida chienyi uchaaturukia na kushinika ukikotia, ‘Kwaki BWANA ujibonyere iji isanga na ihi Hekalu huwu?’

1 WAZURI 9:8 ပူးပေါင်းရင်းမြစ်များ

2 WAZURI 22:17

Angu wanisighie, na kufukiria milungu mizima marumba, eri winibonye nikaie na machu kwa wundu ghwa iro kazi ra mikonu yawo. Kwa wundu ugho nichakaia na machu ghibirie aighu ya Jerusalemu, hata ndeghichaahoa.

2 WAZURI 25:9

Ukaikora Hekalu na ngome ya mzuri, na nyumba rose ra wabaa rerekoghe andenyi ya muzi ghwa Jerusalemu.

2 MALAGHO GHA NGELO 29:8

Kwa huwo BWANA ukawibonyera wandu wa Juda na Jerusalemu machu, ukawibonya wikaie kilambo cheobosha, cheshinikilwa na kusekwa seji mwawuyawona mmbeni.

2 MALAGHO GHA NGELO 36:19

Wikaikora Hekalu, na kughuchikanya wurigha ghwa Jerusalemu; wikakora ngome raro, na kunona vilambo vose va zoghori mbaa.

2 MALAGHO GHA NGELO 7:21

“Na kula mundu uchaaidia ihi Hekalu ikumikie, uchashinika na kughamba, ‘Kwaki BWANA ubonyere iji isanga na ihi Hekalu huwu?’

ISAYA 64:11

Hekalu yedu ighokie ya wueli, andu weke aba werekukasagha oho, yamerie kukorwa, na kula andu kodu kuboie kwamerie kunonwa.

JEREMIA 16:10

“Ngelo kuchaawighoria malagho agha ghose, wichakotia, ‘Kwaki BWANA waghora malagho mabaa ghing'ane huwu aighu yedu? Wuwiwi ghodu niki? Ni kaung'aki dam'bonyera BWANA Mlungu odu?’

JEREMIA 18:16

Wamerie kubonya isanga jawo jishinikilo, kilambo chesholelwa ngelo rose. Wandu wichaaida aho wichazighana na kushinika, nawo wichasughusa vongo vawo.

JEREMIA 19:8

Na muzi ughu nichaghubonya ghuzomelo na kushinikilwa ni kula mundu uidagha, kwa wundu ghwa uko kunoneka kwaro.

JEREMIA 22:28

Welee, umundu Jehoiakini waakaia sa nyungu imenyekie ibarikie, chombo chisetalwagha ni mndungi? Kwaki ukumbilo noko chiaimweri na wana wake cha isanga wisejiichi?

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 44:8

Kwaki mughiwusiragha machu ghapo kwa kazi ra mikonu yenyu, na kuifukiria marumba milungu mizima ya Misri, andu mchee mpate kukaia, eri mkumerie mmbeni hata mmbuye wandu wewadwa ni njowe na wesholelwa aghadi ya mbari rose ra ndoenyi?

JEREMIA 49:17

BWANA waghamba, “Edomu uchashinikilwa; kula mundu uchaaida aho uchashinika, na kuzoma kwa wundu ghwa mashaka ghake.

JEREMIA 5:19

Na ngelo wichaaghamba, ‘Ado kwaki BWANA Mlungu odu wadibonyera maza iri?’ Kuchawizera, ‘Sa iji koni winileghie na kuidumikia milungu ya kighenyi isangenyi kwawo, niko koni wichaawidumikia wandu wa kighenyi isangenyi jiseko jawo.’”

JEREMIA 50:13

Kwa wundu ghwa machu ghapo ini BWANA, muzi ugho ndeghuchaakailwa ni mndungi, ela ghuchasighwa mduu putu; kula mundu uchaaida kaavui nagho uchashinika na kughuzomea kwa wundu ghwa agho makabo ghake.

JEREMIA 52:13

Ukaikora Hekalu ya BWANA, na ngome ya mzuri, na nyumba rose ra Jerusalemu; orekorieghe kula nyumba erekoghe mbaa.

KILILO CHA JEREMIA 2:15

Wandu wawuyaida kaavui na muzi waawuyakuzighana kwa lumenyo. Wasughusa vongo vawo na kuseka kunoneka kwa Jerusalemu. Wakotia “Welee, ughu ni ghuja muzi ghoni ghorekoghe ghughokie? Nigho ghoni wurumwengu ghorekukasagha nagho?”

DANIELI 9:12

Oho kookatisha malagho ghako, agho koreghighorieghe aighu yedu na aighu ya awo widibonyere nguma, kwa kureda bugha aighu yedu. Kwa kukaia maza ribonyero Jerusalemu nderibonyero andu kungi ndoenyi kose.

WUKUMBUSO 28:37

Kuchaobolwa ni wandu, kuseko na kumenywa ni wandu wose andu BWANA uchaakughenja.

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.