1 WAZURI 9:1 - Biblia Ilagho Jiboie Kwa Wandu Wose

¹ Mzuri Solomoni uendameria kuiagha Hekalu, na ngome ya nyumba ya mzuri, na ivo vose orekundieghe kuviagha,

1 WAZURI 9:1 ပူးပေါင်းရင်းမြစ်များ

1 WAZURI 3:1

Solomoni ukabonya mapatano aghadi yake na mzuri wa Misri kwa kumlowua mwai wake. Ukamreda mzinyi ghwa Daudi ukaieghe aho, hata wameria kuagha muzi ghwake ghoni, na Hekalu, na wurigha ghomara muzi ghwa Jerusalemu.

1 WAZURI 6:37

Msingi ghwa Hekalu ghoreaghiloghe mori ghwa kawi ghuwangwaghwa Zivu, mwaka ghwa kana ghwa kubonya nguma kwa Solomoni.

1 WAZURI 7:1

Solomoni ukaagha ngome yake; nayo eremdwaeghe miaka ikumi na idadu kuimeria.

1 WAZURI 7:2

Chumba kibaa cha Msidu ghwa Lebanoni cherekoghe na wulacha ghwa meta mirongo ina na inya, na wushapa ghwa meta mirongo iwi na iwi, na wuighu ghwa meta ikumi na idadu na pointi isanu. Chereaghiloghe na nguro ra misida ra laini inya na mikabo ya misida.

1 WAZURI 7:51

Niko huwo kazi yose Mzuri Solomoni oreibonyereghe kwa wundu ghwa Hekalu ya BWANA ikasia. Ukareda vilambo vose verewikiloghe wakfu kwa BWANA ni ndee Daudi, ukavingira andenyi ya chumba cha vilambo; shaba na dhahabu na vilambo vizima.

1 WAZURI 8:66

Ituku ja wunyanya, ukalaghana na wandu wikaghala. Wandu wose wikamkuma mzuri na kughenda cha mizinyi kwawo kwa kuboilwa kubaa kwa wundu ghwa wucha ghose BWANA ughubonyere kwa mdumiki wake Daudi na kwa wandu wake Israeli.

1 WAZURI 9:10

Solomoni oreaghieghe Hekalu chiaimweri na ngome yake kwa miaka mirongo iwi.

1 WAZURI 9:11

Mzuri Hiramu wa Tiro nuo oremnekieghe midi ya sida, na misumbesu, na dhahabu sa iji koni orekundieghe. Na Mzuri Solomoni ukamneka Hiramu mizi ikumi ya isanga ja Galilaya.

1 WAZURI 9:19

chiaimweri na iro nganya rose ra mzinyi Solomoni orekoghe naro, na mizi ya magare ghake, na farasi rake, na icho chose Solomoni orekundieghe kuchiagha Jerusalemu na Lebanoni na kwa masanga ghose orekoghe ukighibonyera nguma.

2 MALAGHO GHA NGELO 7:1

Hata iji Solomoni wameria ilombi jake, modo ghukasea kufuma mlungunyi, ghukakora vizongona vekora, na vizongona; wubaa ghwa BWANA ghukaichura Hekalu.

2 MALAGHO GHA NGELO 7:11

Solomoni ukaimeria Hekalu ya BWANA, na ngome ya mzuri; ukakatisha ghose orepangieghe kughibonya andenyi ya Hekalu ya BWANA na ngome yake moni.

2 MALAGHO GHA NGELO 8:1

Eremdwaeghe Solomoni miaka mirongo iwi kuiagha Hekalu ya BWANA na ngome yake moni.

2 MALAGHO GHA NGELO 8:6

Ukaagha na muzi ghwa Baalathi, na mizi yake yose ya nyumba rewika vilambo, na mizi yose ewika magare ghake gha chuma, na mizi ewika farasi rake, na icho chose Solomoni orekundieghe kuagha Jerusalemu, na Lebanoni, na isanga jose orekoghe ukibonya nguma.

MCHILI 2:10

Nerepatireghe kula kilambo nerechiwonieghe kukaia chiboie. Serekuimieghe raha ingi. Nerekukasireghe na vilambo vose nivibonyere, na agho nigho gherekoghe mafungu ghapo.

MCHILI 2:4

Nabonyere kazi mbaa; naaghie nyumba, na kuwa mizabibu kwa wundu ghwapo.

MCHILI 6:9

Ni baa kukatwa ni icho kuko nacho kuchumba kukaia na bea ya vilambo kuseviwonagha. Ni sa kuwingisa mbeo.