1 WAZURI 8:9 - Biblia Ilagho Jiboie Kwa Wandu Wose

⁹ Ndekorekoghe na kilambo chingi andenyi ya iyo Sanduku, ela ivo vishawalata va magho verengiriloghe ni Musa aho Mghondi ghwa Sinai, iji BWANA orebonyereghe ilaghano na wandu wa Israeli ngelo werefumieghe Misri.

1 WAZURI 8:9 ပူးပေါင်းရင်းမြစ်များ

1 WAZURI 8:21

Nameria kuiwika Sanduku ya Ilaghano aho, iyo iko na Ilaghano ja BWANA, ijo orebonyereghe na weke aba iji orewifunyireghe isanga ja Misri.”

2 MALAGHO GHA NGELO 5:10

Ndekorekoghe na kilambo chingi andenyi ya iyo Sanduku, ela vija vishawalata va magho viwi, ivo Musa oreviwikieghe andenyi aja Horebu, andu BWANA orebonyereghe ilaghano na wandu wa Israeli, iji werefumieghe Misri.

2 MALAGHO GHA NGELO 5:9

Na iyo midi erekoghe milacha, hata mido yaro ikadawoneka kufuma Andu kwa Wueli, kuko imbiri ya Andu kwa Wueli Kuchumbie; ela ndeederedimikagha kuwoneka cha shighadi; nayo eko aho hata linu.

KUFUMA 13:21

BWANA ukakiria kuwiwonyera chia; na dime, andenyi ya nguro ya iwungu, na nakio andenyi ya nguro ya modo ghowineka mwengere, wipate kudamba nadime hata na nakio wori.

KUFUMA 14:24

Nao sa ndoe kuelenyi, BWANA ukikaia andenyi ya nguro ya modo na ya iwingu ukaghizighana majeshi gha Wamisri, na kuwisumbua.

KUFUMA 16:10

Hata iji Haruni orekoghe ukighora na ikwanyiko jose ja wandu wa Israeli, wikazighana cha kireti, wikawona wubaa ghwa BWANA ghuko andenyi ya iwingu.

KUFUMA 16:33

Musa ukamzera Haruni, “Wada mkebe, kukumbirie pishi imweri ya mana, iwiko imbiri ya BWANA kwa wundu ghwa vivalwa venyu vose.”

KUFUMA 25:16

Na oho kuchawika iyo memu nichaakuneka andenyi ya Sanduku.

KUFUMA 25:21

Iyo memu nichaakuneka, kuingire andenyi ya Sanduku; nao kuwikirie kifuniko, icho kifumbi cha wughoma aighu ya Sanduku.

KUFUMA 40:20

Niko ukawada ivo vishawalata viwi va magho, na kuvingira andenyi ya Sanduku ya Ilaghano. Ukangira ija midi eiduka kwa rija pete ra Sanduku ya Ilaghano ukawikiria kifuniko aighu yaro.

EZEKIELI 10:4

Wubaa ghwa BWANA ghukajoka kufuma kwa agho makerubi, hata mnyangonyi ghwa Hekalu, na iwingu jikachua andenyi ya Hekalu; waza ikachulwa ni mwengere ghwa wubaa ghwa BWANA.

WALAWI 16:2

ukamzera, “Kumzere mwanyinyu Haruni usecheghe kula ngelo andenyi ya Andu kwa Wueli Kuchumbie nandenyi ya pazia; andu aho Kifumbi cha Wughoma chiko aighu ya Sanduku ya Ilaghano, uchefwa; kwa kukaia nichawoneka andenyi ya iwingu aighu ya Kifumbi cha Wughoma.

MITALO 17:10

BWANA ukamzera Musa, “Wunja mzata ghwa Haruni kughuwike imbiri ya Sanduku ya Ilaghano, ghukaie alama ewikumbusa waleghi wisezughunukeghe wichefwa.”

MITALO 9:15

Ituku Hema ekwania idungilo, iwingu jerefinikireghe iyo Hema; ela luma lwa kenyi, ijo iwingu jerekoghe sa modo aighu ya Hema; jikakaia hata luma lwa nakesho.

WUKUMBUSO 31:26

“Wadenyi ichi chuo cha sharia, mchiwike mbai na mbai ya Sanduku ya ilaghano ja BWANA Mlungu onyu, chipate kukaia aho chikishuhudia aighu yenyu.

WUKUMBUSO 4:13

Ukaghora nenyo seji iko suti mujiwadie ilaghano jake ijo oremlaghirieghe, iyo Memu Ikumi; ukaiandika aighu ya vishawalata viwi va magho.

WAEBRANIA 9:4

Andenyi kwaro, korekoghe na madhabahu ya dhahabu efukiria marumba, na Sanduku ya Ilaghano ishingilo dhahabu chia rose. Iyo Sanduku erekoghe na mkebe ghwa dhahabu ghowika ija mana, mzata ghwa Haruni ugho ghorejosereghe malemba, na vishawalata va magho viandikilo ija memu ikumi;

WUFUNUO 15:8

na hekalu ikachua mosi ghufumie kwa ugho wubaa ghwa Mlungu, na uko kudima kwake; na mndungi nderedimieghe kungia hekalunyi, hata makabo gha weke malaika mfungade ghikatie.