1 WAZURI 8:8 - Biblia Ilagho Jiboie Kwa Wandu Wose

⁸ Midi eduka Sanduku erekoghe milacha, hata mido yaro eredimagha kuwonwa ni mundu uko andenyi Hekalunyi kaavui na Andu kwa Wueli Kuchumbie, ela mundu uko cha shighadi nderedimagha kuiwona; nayo eko ahoeni hata limu.

1 WAZURI 8:8 ပူးပေါင်းရင်းမြစ်များ

1 WAZURI 8:7

Makerubi ghereghorueghe mawawa ghawo naighu ya iyo Sanduku na midi yaro eiduka.

2 MALAGHO GHA NGELO 5:9

Na iyo midi erekoghe milacha, hata mido yaro ikadawoneka kufuma Andu kwa Wueli, kuko imbiri ya Andu kwa Wueli Kuchumbie; ela ndeederedimikagha kuwoneka cha shighadi; nayo eko aho hata linu.

KUFUMA 40:20

Niko ukawada ivo vishawalata viwi va magho, na kuvingira andenyi ya Sanduku ya Ilaghano. Ukangira ija midi eiduka kwa rija pete ra Sanduku ya Ilaghano ukawikiria kifuniko aighu yaro.

MATHAYO 28:15

Nao wikawada rija pesa wikabonya wokoni sa iji werelaghiriloghe. Na ilagho ijo jikaghoreka woruwo kwa Wayahudi hata linu.

JOSHUA 4:9

Na Joshua wori, oredungieghe magho ikumi na awi aighu ya andu chwau ra wakohani awo weredukieghe Sanduku ya Ilaghano rerewadirieghe. Agho magho ghaduagha aeni aho.