1 WAZURI 8:3 - Biblia Ilagho Jiboie Kwa Wandu Wose

³ Vilongozi vose va Israeli wiendacha, wakohani wikaiduka iyo Sanduku,

1 WAZURI 8:3 ပူးပေါင်းရင်းမြစ်များ

2 SAMUELI 6:12

Nao Mzuri Daudi ukaghorelwa kukaia BWANA wamrasimie Obed-edomu chiaimweri na vilambo vose uko navo, angu Sanduku ya BWANA erekoghe kwake. Kwa huwo Daudi ukasea ukaionda Sanduku ya BWANA kufuma nyumbenyi kwa Obed-edomu, ukaireda mzinyi kwake ukizuma.

1 WAZURI 8:6

Niko wakohani wikaingira iyo Sanduku ya Ilaghano andu kwaro aho Andu kwa Wueli Kuchumbie, nandonyi ya mawawa gha agho makerubi.

1 MALAGHO GHA NGELO 15:2

Nao Daudi ukaghamba, “Mndungi ndedimagha kuiduka Sanduku ya Mlungu ela Walawi weni; angu niwo BWANA orewisaghueghe wiidukeghe Sanduku ya BWANA na kumdumikiagha toe.”

MITALO 4:15

Hata iji Haruni na wana wake wameria kufinikira Andu kwa Wueli na vilambo varo, niko wana wa Kohathi wichacha na kuviduka ngelo kambi yakahamishwa; ela wiseadade ivo vilambo vieleshero, wichefwa. Ivo nivo vilambo va Hema ekwania vichaakaia vikidukwa ni wana wa Kohathi.

MITALO 7:9

Ela wana wa Kohathi, Musa nderewinekieghe kindo chingi anduangi; angu awo werekoghe wikivilindia ivo vilambo va wueli verekoghe vikidukwa na ionge.

WUKUMBUSO 31:9

Nao Musa ukaiandika iyo sharia na kuwineka wakohani awo Walawi widukagha Sanduku ya ilaghano ja BWANA, na waghosi wose wa Israeli.

JOSHUA 3:3

wikawizera wandu, “Iji mwawona Sanduku ya Ilaghano ja BWANA Mlungu onyu ikidukwa ni wakohani na Walawi, mchawuka andu muko na kuinugha,

JOSHUA 3:6

Joshua ukawizera wakohani, “Wadenyi Sanduku ya Ilaghano muide nayo imbiri ya wandu.” Wikaiduka Sanduku, wikaida nayo imbiri ya wandu.

JOSHUA 4:9

Na Joshua wori, oredungieghe magho ikumi na awi aighu ya andu chwau ra wakohani awo weredukieghe Sanduku ya Ilaghano rerewadirieghe. Agho magho ghaduagha aeni aho.

JOSHUA 6:6

Niko Joshua mwana wa Nuni ukawiwanga wakohani ukawizera, “Wadenyi Sanduku ya Ilaghano, na wakohani mfungade wido tarumbeta mfungade ra mbembe ra bauru imbiri ya Sanduku ya BWANA.”