1 WAZURI 7:26 - Biblia Ilagho Jiboie Kwa Wandu Wose

²⁶ Wurifu ghwa ijo itangi ni milimeta mirongo mfungade na isanu; jisheghelukie sa kikombe, na kuwoneka sa mboi ya lili. Itangi jerengiragha lita elfu mirongo ina.

1 WAZURI 7:26 ပူးပေါင်းရင်းမြစ်များ

1 WAZURI 6:18

Iro mbau ra sida reretumiloghe cha nandenyi rerewachiloghe fwana ra mbogha na maua ghisheghelukie; kula andu nandenyi kodeeka ni sida nduu, ndekorewonekieghe igho jingi.

1 WAZURI 6:32

Ukakota fwana ra makerubi, na mitende, na maua ghisheghelukie aighu ya iyo minyango iwi. Iyo minyango na iro fwana ukarishinga dhahabu.

1 WAZURI 6:35

Ukakota fwana ra makerubi aighu ya iyo minyango, na mitende, na maua ghisheghelukie; ukaghishinga dhahabu.

1 WAZURI 7:19

Kuwoneka kwaro ivo virumbu kodeeka sa mboi mbaa ya lili wulacha ghwaro meta imweri na pointi wunyanya.

1 WAZURI 7:25

Ijo itangi jerewikiriloge aighu ya njau richanilo ra shaba ikumi na iwi. Njau idadu rilangayagha cha kaskazinyi, na idadu rilangayagha cha magharibi, na idadu rilangayagha cha kusinyi, na idadu rilangayagha cha mashariki.

1 WAZURI 7:27

Sena Huramu ukabonya magare ikumi gha shaba, kula jimu jerekoghe na wulacha ghwa meta imweri na pointi wunyanya, na wushapa ghwa meta imweri na pointi wunyanya, na wuighu ghwa meta imweri na pointi idadu.

1 WAZURI 7:38

Huramu ukabonya beseni ikumi ra shaba kwa wundu ghwa magare ikumi. Kula beseni erekoghe na kipimo cha ghadi na ghadi kufuma kimonu hata kimonu cha meta imweri na pointi wunyanya, ingiragha lita maghana wunyanya.

2 MALAGHO GHA NGELO 4:5

Wurifu ghwa itangi ghorekoghe milimeta mirongo mfungade na isanu, na momu ghwaro ghorebonyeroghe sa momu ghwa kikombe, ghufwanane na mboi ya lili, itangi jerengiragha sa lita elfu mirongo irandadu.

KUFUMA 25:25

Kuikabirie iyo meza m'bau ghwa wushapa ghwa milimeta mirongo mfungade na isanu kuimara chia rose, nao kukande ugho m'bau dhahabu.

JEREMIA 52:21

wulacha ghwa iro nguro ghorekoghe meta wunyanya na wurifu ghwaro meta isanu na pointi idadu; redeeka ra mruma; wurifu ghwa shaba ghorekoghe milimeta mirongo mfungade na isanu,

EZEKIELI 45:11

Efa na bathi vichakaia va kipimo chimweri; kipimo chichakaia homeri. Homeri imweri ichakatanishwa na vipimo ikumi va efa kwa wundu ghwa vindo viseko na machi; na homeri imweri kukatanishwa na vipimo ikumi va bathi kwa wundu ghwa vindo va machi machi.

EZEKIELI 45:14

Ifungu jiwikilo ja mavuda ni ifungu jimweri ja ikumi ja bathi imweri kwa kula kori imweri (kori ni sa homeri nayo eeka na vipimo ikumi va bathi).