1 WAZURI 7:15 - Biblia Ilagho Jiboie Kwa Wandu Wose

¹⁵ Huramu ukachana nguro iwi ra shaba, riko na wuighu ghwa meta wunyanya, na wurifu ghwa meta isanu na pointi idadu; riko na mruma nandenyi; wurifu ghwaro vala vina.

1 WAZURI 7:15 ပူးပေါင်းရင်းမြစ်များ

1 WAZURI 7:16

Ukabonya virumbu viwi va shaba kula chimu chiko na wulacha ghwa meta iwi na pointi iwi, vewikiria aighu ya vongo va rija nguro iwi.

1 WAZURI 7:21

Huramu oreridungieghe iro nguro ra shaba kaavui na lukumbi lwa Hekalu. Nguro ilangaye cha kusinyi, ukaiwanga Jakini na nguro ya kawi ilangaye cha kaskazinyi, ukaiwanga Boazi.

1 WAZURI 7:41

Ukabonya nguro iwi, na virumbu viwi viko sa bakuli vewikiria aighu ya rija nguro, na mapambo ghilukilo sa mikufu ghewikiria aighu ya vija virumbu verekoghe aighu ya nguro,

2 WAZURI 25:13

Wababuloni wikachikanya nguro ra shaba ra Hekalu, na vilambo va shaba na itangi ja machi, ivo verekoghe andenyi ya Hekalu, na kudwa iyo shaba cha Babuloni.

1 MALAGHO GHA NGELO 18:8

Daudi ukadwa shaba nyingi nandighi kufuma mizi ya Tibhathi na Kuni iyo erekoghe ya Hadadezeri, na iyo shaba niyo Solomoni orebonyereghe nayo itangi ja shaba, nguro na vilambo va Hekalunyi.

JEREMIA 27:19

BWANA wa majeshi waghamba huwu aighu ya masighariko gha nguro, na itangi, na vishawalata varo va nandonyi, na vilambo vose va muzi veresigharikieghe,

JEREMIA 52:13

Ukaikora Hekalu ya BWANA, na ngome ya mzuri, na nyumba rose ra Jerusalemu; orekorieghe kula nyumba erekoghe mbaa.

JEREMIA 52:17

Wababuloni wikarichikanya vipande vipande rija nguro ra shaba rerekoghe andenyi ya Hekalu ya BWANA, na chija kilambo cha shaba chewadia beseni ekuoghosha, na ija beseni mbaa ya shaba, wikaviduka; wikaghenja shaba yose cha Babuloni.

JEREMIA 52:21

wulacha ghwa iro nguro ghorekoghe meta wunyanya na wurifu ghwaro meta isanu na pointi idadu; redeeka ra mruma; wurifu ghwa shaba ghorekoghe milimeta mirongo mfungade na isanu,

EZEKIELI 40:49

Wulacha ghwa lukumbi ghorekoghe meta ikumi, na wushapa ghwaro meta irandadu. Korekoghe na viluwatiro ikumi vejoka nokoighu, na nguro kula luwaru mbai na mbai ya kula kizingiti.