1 WAZURI 7:14 - Biblia Ilagho Jiboie Kwa Wandu Wose

¹⁴ Uo orekoghe mwana wa muka mkiwa wa mbari ya Naftali, ela ndee orekoghe mundu wa isanga ja Tiro, uo orekoghe na wuya ghobonya kazi ya shaba. Ukacha kwa Mzuri Solomoni, na kubonya kazi rake rose.

1 WAZURI 7:14 ပူးပေါင်းရင်းမြစ်များ

2 MALAGHO GHA NGELO 2:14

mwana wa muka ufumie Dani, na ndee odeefuma Tiro. Wafundishiro kazi rebonya vilambo va dhahabu, feza, shaba chuma, magho na midi nguwo ra zambarau, buluu, na ritinikie na kitani ndicha na wuya ghokota kwa kula chia, na kubonya michoro yose ikundwagha uibonye chiaimweri na mafundi ghako, agho mafundi gha bwana wapo ndeyo Daudi.

2 MALAGHO GHA NGELO 2:6

Elaima nani udimagha kumuaghia Hekalu ikakaia mlungunyi, hata mlungunyi kuko ighu kuchumba kusedimagha kumkata? Ini nani hata nidime kumuaghia Hekalu iseeka ni sa aha andu kofukira marumba imbiri kwake?

2 MALAGHO GHA NGELO 4:11

Wokoni Huramu ukabonya nyungu, miiko, na beseni. Huramu ukameria iyo kazi orekoghe ukim'bonyera Mzuri Solomoni kwa wundu ghwa nyumba ya Mlungu.

2 MALAGHO GHA NGELO 4:16

Iro nyungu, na miiko, na uma; na ivo vilambo vose, Huramu orevibonyereghe na shaba izughulo sa iji koni Mzuri Solomoni orekundieghe kwa wundu ghwa Hekalu ya BWANA.

KUFUMA 28:3

Kuwange wandu wose wiko na hikima awo niwinekie wuya; kuwizere wibonye nguwo ra Haruni, upate kuwikwa wakfu kwa wudumiki ghwa wukohani.

KUFUMA 35:30

Musa ukawizera wandu wa Israeli, “Olenyi BWANA wamsaghue Bezaleli mwana wa Uri, wawae Huri, kufuma kwa mbari ya Juda;

KUFUMA 35:31

na Mlungu ukamchura Roho wake, na kumneka akili na kumanya komdimisha kubonya kazi rose ra wufundi;

KUFUMA 35:35

Wawinekie akili emanya kazi rose ribonywagha ni mafundi ghewacha, wechora, na wetola kwa kitani ndicha, na uzi wa buluu, na wa zambarau, na wa pamba ya ngundu, na waluki widimagha kubonya kazi iyo yose ya wuya angu echora.

KUFUMA 36:1

“Bezaleli na Oholiabu chiaimweri na kula mundu BWANA umnekie kudima na wuya ghomanya kubonya kazi eboisa Andu kwa Wueli, niwo wichaabonya kula ilagho karakara seji BWANA relaghirieghe.”

KUFUMA 36:8

Wandu wiko na wuya kuchumba, aghadi ya awo werekoghe wikibonya kazi, wikaibonya iyo Hema Ekwania. Wereibonyereghe kwa vipande ikumi va kitani ndicha, ilukilo na uzi ra buluu, na ra zambarau, na ra ngundu, wikatola na fwana ra makerubi aighu yaro.

ISAYA 28:26

Kwa kukaia mundu uo wafundishiro nicha; Mlungu wake nuo umfundishagha.