1 WAZURI 5:6 - Biblia Ilagho Jiboie Kwa Wandu Wose

⁶ Kwa wundu ugho kuwilaghire wadumiki wako winidemie misida ya Lebanoni. Wadumiki wapo wichabonyanya kazi na wako, nani nichakulipa mafungu kuchaalomba kwa wundu ghwa wadumiki wako. Kwa kukaia oho kwamanya ndediwadie mndungi uichi kudema midi nicha sa Wasidoni.”

1 WAZURI 5:6 ပူးပေါင်းရင်းမြစ်များ

KUZOYA 10:15

Kanaani orevaeghe mwana wake wa imbiri Sidoni, na Hethi;

1 WAZURI 10:26

Solomoni ukatumbanya magare na farasi. Orekoghe na magare elfu na maghana ana na farasi elfu ikumi na iwi. Ukariwika rimu Jerusalemu na rimu mizi mizima.

1 WAZURI 5:7

Hiramu uendasikira malagho gha Solomoni; ukaboilwa na ndighi ukaghamba, “BWANA ndekaso idime, kwa kukaia wamneka Daudi mwana uko na hikima upate kuibonyera nguma mbari ihi mbaa.”

1 WAZURI 6:16

Sena ukaagha chumba cha nandenyi nanyuma ya Hekalu cha meta ikenda, kwa kutumia mbau ra sida kufuma sakafu hata darinyi, nacho chawangwa Andu kwa Wueli Kuchumbie.

1 WAZURI 6:20

Icho chumba cha nandenyi cherekoghe na wulacha ghwa meta ikenda, na wushapa ghwa meta ikenda, na kwenda nokoighu meta ikenda. Chumba chose chereshingiloghe dhahabu. Wokoni Solomoni orebonyereghe madhabahu kwa mbau ra sida.

1 WAZURI 9:19

chiaimweri na iro nganya rose ra mzinyi Solomoni orekoghe naro, na mizi ya magare ghake, na farasi rake, na icho chose Solomoni orekundieghe kuchiagha Jerusalemu na Lebanoni na kwa masanga ghose orekoghe ukighibonyera nguma.

1 WAZURI 9:27

Mzuri Hiramu ukaduma mabaharia wake wiichi kudumika baharinyi widumike chiaimweri na wadumiki wa Solomoni.

1 MALAGHO GHA NGELO 22:4

mbau ra misida risetalikagha; angu Wasidoni na Watiro weremredieghe Daudi misida mingi nandighi.

2 MALAGHO GHA NGELO 1:14

Solomoni ukatumbanya magare elfu na maghana ana, na wajoki farasi elfu ikumi na iwi; ukawiwika andu mizi ya magare erekoghe, na wamu ukawiwika Jerusalemu kwa wundu ghwa mzuri.

2 MALAGHO GHA NGELO 2:10

Nifunya kwa wundu ghwa wadumiki wako wedumbua midi, ngano ishelo tani elfu iwi ra kimetriki, shairi tani elfu iwi ra kimetriki, divei lita elfu maghana ana, na mavuda lita elfu maghana ana.”

2 MALAGHO GHA NGELO 2:8

Wokoni kunidumie misida, misumbesu, na misandali kufuma Lebanoni; angu namanya wadumiki wako waichi kudumbua midi aho. Wadumiki wapo wichakanya na wadumiki wako

EZRA 3:7

Nao wandu wikafunya pesa kwa wundu ghwa mafundi gheagha magho na gheagha mbau; wikawighenjera wandu wa Sidoni na Tiro vindo na vinywaji na mavuda wiwiredie midi ya mierezi kufuma Lebanoni kwa bahari hata Jopa, kunughana na seji wererumiriloghe ni Koreshi mzuri wa Pashia.

ZABURI 29:5

Lwaka lwa BWANA lwadachikanya misida, BWANA wadachikanya misida, inyo misida ya Lebanoni.

ZEKARIA 11:12

Niko ngawizera, “Mkawona nicha, munineke mafungu ghapo; si huwo, kaienyi nagho!” Nawo wikanilipa vibelele va feza mirongo idadu kukaia mafungu ghapo.

WAROMA 12:17

Msakemlipa mndungi kiwiwi kwa kiwiwi, ela mririkanye iro riko ndicha imbiri ya wandu wose.

WAEFESO 4:7

Ela kula umu odu orenekeloghe mvono karakara na kipimo cha inosi ja Kristo.

WUKUMBUSO 17:16

Umanye usekaie na farasi nyingi ra ijeshi jake, angu kuwibonya wandu wiwuye Misri kwendachuria farasi rikaie nyingi; kwa kukaia BWANA waleghie jingi msewuye ijo isanga.

WAFILIPI 4:8

Kutua wanidu, maza iro rose riko ra loli, iro rose riko ra ishima, iro rose riko ra hachi, iro rose rielie, iro rose riboie; ikakaia riko ringi ra sare ndicha, ikakaia ghuko wucha ghungi, ikakaia chiko kilambo chingi chifwanagha kukaswa; ririkanyenyi aighu ya maza iro.