1 WAZURI 3:9 - Biblia Ilagho Jiboie Kwa Wandu Wose

⁹ Kwa huwo, kunineke ini mdumiki wako hikima emanya kuwibonyera wandu wako nguma; nipate kutambua iro ndicha na iro riko mbiwi. Ngera kusenibonyeragha huwo, nichadima wada kuwibonyera nguma wandu wako wing'ane huwu?”

1 WAZURI 3:9 ပူးပေါင်းရင်းမြစ်များ

2 SAMUELI 14:17

Na ini mdumiki wako ngaghesha, ‘Ilagho ja bwana wapo mzuri jichanineka kuhora’; angu bwana wapo mzuri ooka sa malaika wa Mlungu udimagha kumanya malagho mecha na mawiwi. BWANA Mlungu wako ndekaie chiaimweri na oho.”

1 WAZURI 10:24

Ndoenyi kose wandu wikalola kummbona Solomoni, wipate kusikira iyo hikima Mlungu oreingirieghe andenyi kwake.

1 WAZURI 3:10

Nao BWANA ukaboilwa angu Solomoni orelombieghe huwo.

1 WAZURI 3:28

Israeli yose ikasikira seji mzuri watanya, wikaishinikia hikima ya mzuri; wikamanya kwa loli kukaia Mlungu wamnekie hikima upate kutanya kwa hachi.

1 MALAGHO GHA NGELO 22:12

BWANA ndekuneke suku na kutambukilwa, eri ingelo wakuwika aighu ya Wasraeli, kupate kuwibonyera nguma kwa Sharia ya BWANA Mlungu wako.

1 MALAGHO GHA NGELO 29:19

Kumneke mwana wapo Solomoni ngolo ewadia memu yako putu na mashuhudio ghwako; upate kuiagha Hekalu ihi naifunyira vilambo.”

2 MALAGHO GHA NGELO 1:10

Idana nineke hikima na kumanya eri nidime kuwibonyera nguma; kwa kukaia nani udimagha kuwibonyera nguma awandu wako wiko wengi huwu?”

ZABURI 119:144

Memu yako ni ya hachi kwa kala, kunineke kutambukilwa nipate kukaia moyo.

ZABURI 119:34

Kunineke kutambukilwa, nipate kuiwadia sharia yako, na kuinugha kwa ngolo yapo yose.

ZABURI 119:73

Ni oho kuniumbie kukaniwika banana; kunineke kumanya, nipate kukufundisha memu yako.

MAKATANISHO 14:8

Mundu uwadie suku wadapanga malagho ghake kwa hikima; wukelu ghwa wakelu ni mikalo.

MAKATANISHO 16:16

Kupata hikima kwaboie, kwachumba dhahabu, na kutambukilwa kuchumba feza.

MAKATANISHO 20:12

BWANA wadinekie madu ghesikira na meso ghewona.

MCHILI 7:11

Mundu uo ose uko moyo yamfwana ukaie na hikima; yaboie sa kupata ifwa.

MCHILI 7:19

Hikima yadam'bonya mundu uko nayo kukaia na ndighi kuchumba wabonyi nguma ikumi wiko andenyi ya muzi.

JEREMIA 1:6

Niko ngaghamba “Ai, Bwana MLUNGU! Ola ini siichi kudeda, kwa kukaia ne mwana tu!”

JEREMIA 45:5

Na oho-lee kuakulolia malagho mabaa? Kusakeghilola, angu zighana naawuyareda wuwiwi aighu ya wandu wose, ela nichakulindia irangi jako kusebwagho andu uko kose kuchaakaia kukighenda.” Ini BWANA naghamba.

DANIELI 2:21

Wadaghalua ngelo na vimu; wadainja wazuri na kuwika wazuri. Wadawineka hikima awo wiko na hikima, na kumanya kwa awo witambukilwagha.

MATHAYO 3:11

Ini nam'baputiza kwa machi kuwonyera angu mwahea. Ela uo uchagha nyuma yapo oko nandighi kunichumba ini; hata ini sifwane kumdukia vadu vake. Uo ucham'baputiza kwa Roho Mweli na modo.

MATHAYO 3:14

Ela Johane ukazoya kumghiria ukimzera, “Wele oho kuacha kwapo, na ni ini inifwaneghe niche kwako kunibaputize?”

JOHANE 5:30

“Sidimagha kubonya ilagho jingi kwa nguma yapo ini moni anduangi; ela nadatanya sa iji nisikiragha kwa Aba, na kutanya kwapo ni kwa hachi, kwa kukaia silolagha lukundo lwapo ini moni anduangi, ela lukundo lwake uo orenidumieghe.

2 WAKORINTHO 2:16

Kwa wamu ni marumba mecha kufuma kifwa kuchivikia kifwa, na kwa wazima ni marumba mecha kufuma irangi kujivikia irangi. Elaima nani udimagha maza iri?

2 WAKORINTHO 3:5

Si angu dakate isi diweni sa kughamba wei kilambo chingi chadima kufuma kodu koni anduangi, ela kukata kodu kuafuma kwa Mlungu.

WAEFESO 5:17

Kwa huwo, msekaie wakelu, ela mtambukilo seji Bwana ukunde konyu.

WAFILIPI 1:10

eri mpate kusaghua iro riboie kuchumba, na kukaia muelie msewadie ikosa jingi ijo Ituku ja Kristo,

WAEBRANIA 5:14

Ela vindo vikurie, ni va wandu wabaa, awo wikufundishire kwa kurizaisira akili rawo ridime kumanya mecha na mawiwi.

JAKOBO 1:5

Ela ngera mndungi onyu wasowa hikima, ndelombe kwa Mlungu, uhu unekagha wandu kwa wungi, kuseko na kubukia; nao uchanekwa.

JAKOBO 3:17

Ela hikima ifumagha mlungunyi, imbiri yaelie, sena ni ya sere, na ya wumboa; iseng'etere, ichue wughoma, na matunda mecha, ndeiwadie ngera, hata kusowa wuloli.