1 WAZURI 3:2 - Biblia Ilagho Jiboie Kwa Wandu Wose

² Wandu werekoghe wikifunyira vizongona andu kuzima kuzima, kwa kukaia hekalu erekoghe iseaghilo kwa wundu ghwa BWANA.

1 WAZURI 3:2 ပူးပေါင်းရင်းမြစ်များ

1 WAZURI 14:23

Kwa kukaia nawo weni werekuaghieghe andu kotasira milimu; wikadunga nguro ra magho retasa, na kuwika fwana ra Ashera aighu ya kula mghondi na aisi ya midi ikambie.

1 WAZURI 15:14

Hata ngera Asa ndererinonieghe rija nyumba retasira milimu rereaghiloghe mghondinyi, ela orekaieghe mloli putu cha kwa BWANA irangi jake jose.

1 WAZURI 22:43

Jehoshafati ukabonya sa ndee Asa, ukibonya agho ghim'boiagha BWANA kuseko kughaluka, ela ndereinjireghe andu kotasira mighondinyi; wandu wikakaia wikifunya vizongona na kufukira marumba aho.

1 WAZURI 22:44

Wokoni Jehoshafati ukabonya sere na mzuri wa Israeli.

1 WAZURI 5:3

“Oho kwamanya kukaia aba Daudi nderedimieghe kuagha Hekalu emtasira BWANA Mlungu wake, angu orekoghe ukilwa na wamaiza wake weremmarieghe chia rose, hata BWANA ukamtesia kuwisima wamaiza wake.

2 WAZURI 12:4

Joashi ukawizera wakohani, “Pesa rose ra vilambo va wueli rifunywagha andenyi ya Hekalu, na ifungu ja kula mundu jipangilo jemfunyira BWANA, na agho wandu wifunyagha kwa ngolo, riredo andenyi ya Hekalu;

2 MALAGHO GHA NGELO 15:17

Hata ngera ndereinjireghe andu kotasira mighondinyi andenyi ya Israeli, ela Asa odekufunya cha kwa BWANA putu matuku ghake ghose.

2 MALAGHO GHA NGELO 33:17

Elaima huwo saki wandu werekoghe wikifunya vizongona andu kotasira mighondinyi ela wikakaia wikimfunyira BWANA Mlungu wawo moni.

ZABURI 78:58

Weremvavirieghe ngolo kwa kubonya andu kwawo kotasa milimu; wikammbwasira iriso kwa kutasa fwana rawo riwachiro.

WALAWI 26:30

Nichakunona andu konyu kwa ighu kotasira, na kughinona madhabahu ghenyu ghefukiria marumba; nicharikumba gharia ra mimbi yenyu aighu ya milimu yenyu ifue; nichazamilwa ni inyo.

WUKUMBUSO 12:13

Mlindie msefunye vizongona venyu vekora andu mkusaghuyagha mmbeni,

1 SAMUELI 9:12

Wikatumbulia, “Oko aeni; ola hoja naimbiri konyu. Shashirenyi, waacha mzinyi idakoni; kwa kukaia wandu wiafunya kizongona andu kotasira mghondinyi idime.