1 WAZURI 3:1 - Biblia Ilagho Jiboie Kwa Wandu Wose

¹ Solomoni ukabonya mapatano aghadi yake na mzuri wa Misri kwa kumlowua mwai wake. Ukamreda mzinyi ghwa Daudi ukaieghe aho, hata wameria kuagha muzi ghwake ghoni, na Hekalu, na wurigha ghomara muzi ghwa Jerusalemu.

1 WAZURI 3:1 ပူးပေါင်းရင်းမြစ်များ

2 SAMUELI 5:7

Ela sena Daudi ukaiwada ngome ya Sioni, nagho nigho ghocheewangwa muzi ghwa Daudi.

1 WAZURI 11:1

Mzuri Solomoni orekoghe warirwa ni waka wengi wa kighenyi kula na uja mwai wa mzuri wa Misri oremlowueghe. Ukalowua waka kufuma Moabu, na Amoni, na Edomu, na Sidoni, na kwa Wahiti.

1 WAZURI 2:10

Nao Daudi ukafwa; ukarikwa mzinyi kwa Daudi.

1 WAZURI 6:1

Miaka maghana ana na mirongo wunyanya iendasia, nyuma ya wandu wa Israeli kufuma Misri, mwaka ghwa kana ghwa kubonya nguma kwake Solomoni aighu ya Israeli, mori ghwa kawi ghuwangwagha Zivu, Solomoni orezoeghe kuiagha Hekalu.

1 WAZURI 7:1

Solomoni ukaagha ngome yake; nayo eremdwaeghe miaka ikumi na idadu kuimeria.

1 WAZURI 7:8

Solomoni oreaghieghe nyumba imu na nyuma ya Chumba Chetanya, iyo erekoghe yake moni. Sena ukaagha nyumba ifwanane na iyo kwa wundu ghwa mkake oremlowueghe, uo mwai wa mzuri wa Misri.

1 WAZURI 9:1

Mzuri Solomoni uendameria kuiagha Hekalu, na ngome ya nyumba ya mzuri, na ivo vose orekundieghe kuviagha,

1 WAZURI 9:10

Solomoni oreaghieghe Hekalu chiaimweri na ngome yake kwa miaka mirongo iwi.

1 WAZURI 9:24

Mwai wa mzuri wa Misri, uo orelowologhe ni Solomoni, orefumieghe aho mzinyi kwa Daudi, ukaghenda kwa ngome yake moni iyo Solomoni oremuaghieghe; niko Solomoni ukaagha vija viluwatiro vemaziria.

1 MALAGHO GHA NGELO 11:7

Daudi ukakaia ngomenyi; kwa huwo ghukawuya “Muzi ghwa Daudi.”

2 MALAGHO GHA NGELO 18:1

Jehoshafati orekoghe na mali nyingi na ishima, nao ukaloworana na Ahabu.

2 MALAGHO GHA NGELO 8:11

Solomoni ukamwinja mwai wa mzuri wa Misri kufuma muzi ghwa Daudi, ukammbika andu oremuaghieghe nyumba ukighamba, “Mkwapo ndedimagha kukaia andenyi ya ngome ya Mzuri Daudi wa Israeli, kwa kukaia andu Sanduku ya Ilaghano ja BWANA ikaie ni andu kwa wueli.”

EZRA 5:11

“Wikaditumbulia huwu, ‘Isi de wadumiki wa Mlungu wa mlungunyi na ndoenyi, nesi diaagha nyumba ereaghiloghe miaka mingi isirie, iyo mzuri m'baa wa Waisraeli oreiaghieghe na kuimeria.

EZRA 9:14

Idana ikaia wada isi dimenye memu yako kwa kuloworana na awa wandu wawiwi? Dikabonya huwo kuchawawa nandighi hata kuditoteshe na mndungi usedime kukaia moyo.

WUKUMBUSO 23:8

Wana wa kivalwa chawo cha kadadu wadima kungia ikwanyikonyi ja BWANA.