1 WAZURI 22:3 - Biblia Ilagho Jiboie Kwa Wandu Wose

³ Nao Ahabu ukawizera wabaa wake, “Ndemuichi Ramath-gileadi ni mzedu? Kwaki dikaiagha kima woruwu diseiwusagha kufuma kwa mzuri wa Siria?”

1 WAZURI 22:3 ပူးပေါင်းရင်းမြစ်များ

2 SAMUELI 19:10

Idana Absalomu uo deremshingieghe mavuda udibonyere nguma wafue wudenyi. Kwaki disebonyagha njama emmbunja Mzuri Daudi?”

1 WAZURI 22:29

Niko Ahabu mzuri wa Israeli na Jehoshafati mzuri wa Juda, wikajoka kughuwada muzi ghwa Ramoth-gileadi.

1 WAZURI 4:13

Bengeberi wa isanga ja Ramoth-gileadi (orekoghe na mizi ya Jairi mwana wa Manase, iko aho Gileadi; nao orekoghe na isanga ja Argobu, jiko Bashani, mizi mirongo irandadu iaghilo na wurigha na vuma va shaba);

2 WAZURI 8:28

Mzuri Ahazia ukaghendanya na Joramu mwana wa Ahabu, upate kulwa na Hazaeli mzuri wa Siria aja Ramoth-gileadi, na Wasiria wikamshoghonua Joramu aho wudenyi.

2 WAZURI 9:14

Joramu chiaimweri na Israeli yose werekoghe wikighulindia muzi ghwa Ramoth-gileadi ghusewado ni Hazaeli mzuri wa Siria. Na Jehu mwana wa Jehoshafati, wawae Nimshi, ukabonya sheshe aighu ya mzuri wa Israeli.

WUKUMBUSO 4:43

Mizi iyo ni Bezeri ghuko kireti andu kwa wurindi, ghukaie kwa wundu ghwa kichuku cha Reubeni, na Ramothi ghuko Gileadi kwa wundu ghwa kichuku cha Gadi, na Golani ghuko Bashani kwa wundu ghwa kichuku cha Manase.

JOSHUA 20:8

Na mashariki ya Jeriko, kimonu cha Jordani, wikasaghua Bezeri muzi ghuko wurindinyi kireti kufuma kwa kichuku cha Reubeni, na Ramothi, ghuko Gileadi kufuma kwa kichuku cha Gadi, na Golani ghuko Bashani kufuma kwa kichuku cha Manase.

JOSHUA 21:38

Kufuma kwa kichuku cha Gadi werenekeloghe mizi ina: Ramothi andenyi ya isanga ja Gileadi (nagho ni muzi ghumu ghokimbiria kwa wundu ghwa m'bwaghi) na mlamba ghwaro gholishira, Mahanaimu na mlamba ghwaro gholishira,

WATANYI 16:2

Wagaza wikaghorelwa, “Samsoni wacha aha.” Wikakumara andu aho na kumlaliria mnyangonyi ghwa mbenge kio chee. Wikanyama kima chui kio chose wikighamba, “Ndediweserie hata ndoe iele, dipate kum'bwagha.”

WATANYI 18:9

Wikatumbulia, “Wukenyi dighende kulwa na Laishi, kwa kukaia dameria kujiwona ijo isanga; jawurue nandighi. Da muakaia msebonyagha ilagho jingi? Msakemuka kughenda na kujiwada isanga.