1 WAZURI 21:2 - Biblia Ilagho Jiboie Kwa Wandu Wose

² Ituku jimu Mzuri Ahabu ukamzera Nabothi, “Nakunde kunineke mbuwa yako angu iko kaavui na ngome yapo, nipate kuiwunja mbuwa ya mbogha, nani nichakuneka mbuwa zima iboie kuchumba ihi; angu kukawona nicha, neko tayari kulipa ighuri jaro kwa pesa.”

1 WAZURI 21:2 ပူးပေါင်းရင်းမြစ်များ

KUZOYA 16:6

Abramu ukamzera Sarai, “Mwai wako wa kazi oko aisi yako; m'bonye seji kukunde kumoni.” Niko Sarai ukamkoronga Hagari hata ukakimbia na kughenda chia rake.

KUZOYA 3:6

Niko muka iji wawona angu mudi ugho ghwaboie kwa vindo, ghwaghokie mesonyi, na sena ghwakundikie kwa kumredia mundu kumanya, ukawaya matunda gharo ukaja, ukamneka na mumi wake wori, nao ukaja.

1 WAZURI 21:3

Nabothi ukamzera Ahabu, “BWANA ndeleghe nisekuneke ifwa ja weke aba.”

1 WAZURI 21:6

Ukatumbulia, “Ni angu nadedanya na Nabothi Mjezreeli unineke mbuwa yake ya mizabibu niighuo, angu nimneke mbuwa zima, ela ukalegha.”

2 WAZURI 9:27

Ahazia mzuri wa Juda uendawona agho, ukakimbia chia ya Beth-hagani. Jehu ukamnugha ukighamba, “Nao moni mlasenyi wokoni.” Wikamlasa uko igarenyi kwake, ingelo orekoghe ukighenda Guri, kaavui na muzi ghwa Ibleamu, wikamshoghonua. Ukakimbia hata Megido, nao ukafuya aho.

KUFUMA 20:17

“Kusakebonya iriso kwa nyumba ya mmbenyu, kusakebonya iriso kwa muka wa mmbenyu, hata kwa mzumba wake wa womi angu wa waka, hata kwa ng'ombe yake, hata kwa punda wake, hata kwa kilambo chingi chiko cha mmbenyu.”

MCHILI 2:5

Nabonyere mbuwa na andu kohoreshera, ngawa midi yose ya matunda andenyi yaro.

LUMBO 4:15

Oho ko ndoria iko ambuwenyi; kiriwa cha machi ghiko moyo; dumeda duidagha kufuma Lebanoni.

JEREMIA 22:17

Ela mawoni gha ngolo yako ni aighu ya fwaida risefwanagha, na kudia bagha ra wandu wisewadia ikosa jingi, na kukuzaisira maza rekoronga wandu.”

LUKA 12:15

Nao ukawizera, “Manyenyi mkulindie na iriso, angu irangi ja mundu ndejiko andenyi ya ugho wungi ghwa mali uko naro anduangi.”

WUKUMBUSO 11:10

Angu ijo isanga mngiagha kujiwada ndejifwanane na isanga ja Misri aho mfumie; andu morekoghe mkiwa mbeu na kurinyoshera machi sa mbuwa ya mbogha;

WUKUMBUSO 5:21

“‘Kusakekaia na bea na muka wa mmbenyu, hata nyumba yake, hata mbuwa yake, hata mdumiki wake wa womi angu wa waka, hata ng'ombe yake, hata punda wake, angu kindo chingi chiko na mmbenyu.’

1 TIMOTHEO 6:9

Na wandu wikunde kukaia na mali, waghwa na kungia matimonyi; wangia mdeghonyi, na andenyi ya bea nyingi ra ndengwa risewadie akili, iro riwinonagha, na kuwitotesha wandu.

1 SAMUELI 29:6

Niko Akishi ukammbanga Daudi ukamzera, “Naghema, kwa BWANA uko moyo, oho kwakaie mloli kwapo; nani kondenyi ngolonyi kwapo niawona kumangu daghendanya andu kose nighendagha; kwa kukaia sikuwonie na ikosa jingi kufuma kwacha hata linu. Elaima vilongozi va Wafilisti ndewiwuekurumiria anduangi.

1 SAMUELI 8:14

Uchawusa mbuwa renyu rinorie, na ra mizabibu, na ra matunda gha zeituni, na kuwineka wadumiki wake.

1 SAMUELI 8:6

Ela ijo ilagho jelomba mzuri jikamzamia Samueli, nao ukamlomba BWANA.