1 WAZURI 2:7 - Biblia Ilagho Jiboie Kwa Wandu Wose

⁷ Ela wana wa Bazilai Mgileadi, kuwibonyere nicha, sena wikaie wamu wa awo wandu wijanyagha na oho mezenyi kwako; kwa kukaia werenibonyereghe nicha ingelo nerewuyagha kufuma kumkimbia mwanyinyu Absalomu.

1 WAZURI 2:7 ပူးပေါင်းရင်းမြစ်များ

KUZOYA 40:14

Ela nakulomba kunikumbuke iji maza rako rakaia nicha, kunighore kwa mzuri, eri unifunye ihi nyumba.

2 SAMUELI 19:28

Angu wandu wose wa nyumba ya aba, weeka sa wandu witanyiro kufwa imbiri ya bwana wapo mzuri; ela sena korenibonyereghe ini mdumiki wako nijeghe mezenyi kwa bwana wapo mzuri. Da ni hachiki niko nayo inibonyagha niwuemlilia mzuri.”

2 SAMUELI 9:10

Na oho, chiaimweri na wana wako, na wadumiki wako, mchakaia mkiilima iyo ndoe kwa wundu ghwake, na kureda mavalo gharo; eri mwana wa bwana wako usesowe kindo cheja. Ela Mefiboshethi moni, uo mwana wa bwana wako, uchakaia ukija mezenyi kwapo matuku ghose.” Siba orekoghe na wana wa womi ikumi na wasanu, na wadumiki mirongo iwi.

2 SAMUELI 9:7

Daudi ukamzera, “Kusakeobua, kwa kukaia nichakubonyera mecha kwa wundu ghwa ndeyo Jonathani; sena ndoe rose ra wawayo Sauli nichakuwunjira, na oho kuchakaia kukija mezenyi kwapo matuku ghose.”

2 WAZURI 25:29

Jehoiakini ukafunya nguwo rake ra kifungonyi, ukakaia ukija mezenyi kwa mzuri matuku ghose gha irangi jake;

2 WAZURI 25:30

na kula ituku ukakaia ukinekwa ifungu jake ni mzuri matuku ghose orekaieghe moyo.

EZRA 2:61

Awa wakohani wokoni werewurieghe kufuma wubarishonyi: Kichuku cha Habaia, Kichuku cha Hakozi, na Kichuku cha Barzilai (mndumu wa Kichuku cha Barzilai orelowueghe mwai wa Barzilai Mgileadi nao ukawangwa irina ja mghosi wake Barzilai.)

MAKATANISHO 27:10

Kusakemliwa mghenyi wako, na mghenyi wa ndeyo. Kukakaia na wasi kuselole wutesia kwa mwanyinyu. Mmbenyu wa kaavui ni baa, kuchumba mwanyinyu uko kula.

JEREMIA 52:33

Niko Jehoiakini ukainja nguwo rake ra kifungonyi, na kula ituku ukakaia ukija vindo mezenyi kwa mzuri;

LUKA 12:37

Warasimilwa awa wadumiki bwana wawo uchaawikua wikicheresha, namghoria loli, uchakufunga uo moni, na kuwisera kidombo mezenyi upate kuwidumikia.