1 WAZURI 2:6 - Biblia Ilagho Jiboie Kwa Wandu Wose

⁶ Kutumie hekima yako, nao kum'bonyere woruwo koni; kusesighe ughosie na kufwa kifwa cha kawaida.

1 WAZURI 2:6 ပူးပေါင်းရင်းမြစ်များ

KUZOYA 42:38

Ela Jakobo ukaghamba, “Mwanwapo ndedimagha kughendanya na inyo; mruna wamerie kufwa, oosighwa uekeri. Wadima kupatwa ni ndengwa ingi charonyi. Ini nakaia mghosi, wasi mchaniredia ghuchanibwagha.”

KUZOYA 9:5

Ngera mndungi wadia bagha enyu, loli nichaikotia angu bagha ni irangi ja mundu.

KUZOYA 9:6

Mdamu oreumbiloghe kufwanana na Mlungu, kwa huwo uo ose uchaidia bagha ya mdamu, bagha yake ichadilwa ni mdamu wokoni.

2 SAMUELI 3:39

Na ini idime nawuya mnyonge, hata ngera nashingilo mavuda nikaie mzuri; awana wa Seruia waniredia wasi m'baa. BWANA ndemlipe m'bonyi kiwiwi kunughana na wuwiwi ghwake.”

1 WAZURI 2:7

Ela wana wa Bazilai Mgileadi, kuwibonyere nicha, sena wikaie wamu wa awo wandu wijanyagha na oho mezenyi kwako; kwa kukaia werenibonyereghe nicha ingelo nerewuyagha kufuma kumkimbia mwanyinyu Absalomu.

1 WAZURI 2:9

Ela kusemsighe usepatire ikabo; kuchamanya seji kuchaam'bonya kwa kutumia hikima kuko nayo; kusemsighe ughosie na kufwa kifwa cha kawaida.”

1 WAZURI 3:12

ola nichakubonyera kunughana na malombi ghako. Nichakuneka hikima na akili emanya, mndungi usekaie nayo hata usechaakaia nayo nyuma ya oho.

2 WAZURI 22:20

Ola kuchafwa sa weke ndeyo, kuriko kwa sere; meso ghako ndeghichaawona ugho wasi ghose nichaaghuredia muzi ughu.’” Nao awo wandu wikammbunjira mzuri agho malagho.

ZABURI 37:37

Mzighane mundu mucha, kumlawuo mhachi; mundu wa sere wawadie kivalwa.

MAKATANISHO 20:26

Mzuri uko na hikima wadasasawua wawiwi, na kuwineka ikabo ibaa.

MAKATANISHO 28:17

Mundu orebwaghieghe mmbao uchakaia mkimbii, ndekaie mkimbii hata kifwa chake; mndungi usemtesie.

MCHILI 8:11

Wandu waawuyabonya makosa kwa kukaia wisewuyetanywa shwa-shwa kwa wundu ghwa agho makosa wighibonyere.

ISAYA 48:22

“Ndekuwadie sere ingi kwa wawiwi,” waghamba BWANA.

ISAYA 57:2

nao wapata sere; awo wighendagha nicha wahora kifonyi.

ISAYA 57:21

Ndekuwadie sere ingi kwa wandu wawiwi,” waghamba Mlungu wapo.

ISAYA 65:20

Ndekuchaakaia na mwana ungi ufwagha uko mkoo, hata mghosi ungi ndechaafwa usekatishire matuku gha wughosi ghwake; kwa kukaia mwana uchazoghua uvike miaka ighana, ima uchefwa; na mghosi ufwagha usevikie miaka ighana, uchatalwa kukaia mkaung'a uwadilo ni njowe.

MITALO 35:33

Kwa huwo msenone isanga ijo mwawuyajikaia, kwa kukaia kudia bagha kwadanona isanga, na isanga ndejilipilwagha kwa wundu ghwa iyo bagha idirilo andenyi yaro kwa chia zima, ela kwa bagha ya uo mundu moni uidirie.