1 WAZURI 18:3 - Biblia Ilagho Jiboie Kwa Wandu Wose

³ Ahabu ukammbanga Obadia, uo orekoghe mzighaniri wa nyumba yake, (Obadia orekoghe mtasi m'baa wa Mlungu;

1 WAZURI 18:3 ပူးပေါင်းရင်းမြစ်များ

KUZOYA 22:12

Nao ukamzera, “Manya kusem'bonye mwana ilagho jingi, angu idana namanya loli kwamuobuagha Mlungu, angu kuseniimie mwana wako, uo mwana wako wa ititi Isaaka.”

KUZOYA 24:10

Niko aho uja mdumiki ukawusa ngamila ikumi ra bwana wake, ukafuma ukidwa manosi malazi mazima mazima kufuma kwa bwana wake, ukaghenda muzi orekaieghe Nahori isanga ja Mesopotamia.

KUZOYA 24:2

Abrahamu ukamzera mdumiki wake m'baa wa nyumba yake, na mzighaniri wa vilambo vake vose orekoghe navo, “Ngira mkonu ghwako aha barenyi kwapo,

KUZOYA 39:9

hata uo moni ndenichumbie kwa wubaa andenyi ya nyumba ihi, sena ndenighirie kilambo chingi, ela oho kumoni kuekeri kwa kukaia koko muka wake. Idana idimika wada kwapo ini nighubonye wuwiwi ghung'ane huwu, na kum'bonyera Mlungu kaung'a?”

KUZOYA 41:40

kwa huwu kuchakaia aighu ya nyumba yapo, na wandu wapo wose wichakaia wikibonya maza rose kwa wulongozi ghwako. Nichakuchumba na wubaa kwa uko kukaia kidombo kifumbinyi cha nguma koni.”

KUZOYA 42:18

Nao ituku ja kadadu Josefu ukawizera, “Ini namuobuagha Mlungu, bonyenyi huwu mpate kukaia moyo:

1 WAZURI 16:9

Zimri, umu wa wabaa wake wa Serikali, uo orekoghe mzighaniri wa magare ghake, ukabonya sheshe aighu yake. Nao iji Ela orekoghe Tirza, ukinywa chofi nyumbenyi kwa Arza mzighaniri wa ngome ya mzuri.

1 WAZURI 18:12

Na nyuma ya kukusigha, Roho wa BWANA uchakudwa andu nisekumanyagha. Ahabu ukacha na kukusowa ngelo namzera wei koko aha, uchanibwagha. Kumbuka ini mdumiki wako ne mtasi Mlungu kufuma wanake ghwapo.

1 WAZURI 18:2

Niko Elija ukafuma kwendakuwonyera moni kwa Ahabu. Njala erekoghe yabia loli loli aja Samaria.

2 WAZURI 4:1

Muka umu wa kipughi cha walodi ukacha kwa Elisha ukamzera, “Mdumiki wako mumi wapo wafue; na oho kwaichi kukaia uo orekoghe muoboi Mlungu. Ela idana, mndumu oremlawiagha wacha, nao ookunda kuwusa wana wapo wawi wa womi wiwuye wazumba wake.”

NEHEMIA 5:15

Kula m'baa wa awo werekoghe imbiri yapo, werewidukishireghe wandu misigo ilemere, nawo werekoghe wikiwusa kufuma kwa wandu vindo na divei, kula na vibelele va feza mirongo ina. Hata wadumiki wawo werekoghe wikiwikoronga wandu. Ela ini serebonyagha huwo angu neremuobueghe Mlungu.

NEHEMIA 7:2

Ngawika wandu wawi wikaie wazighaniri wa muzi ghwa Jerusalemu. Wandu awa ni mwanedu Hanani na Hanania m'baa wa ngome. Hanania orekoghe mundu osuwirilwa na mwoboi Mlungu kuchumba wengi.

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

ZABURI 112:1

BWANA ndekaso! Warasimilwa mundu umuobuagha BWANA, na kuboilwa ni kuiwadia memu yake na ndighi.

MAKATANISHO 14:26

Uhu umuobuagha BWANA uchalindilwa, na wana wake wichakaia banana.

MALAKI 3:16

Niko awo wandu wimuobuagha BWANA wikadedanya, na BWANA ukawisikiria; ukasikira malagho werekoghe wikighora imbiri kwake. Chuo cha wukumbuso ghwa awo weremuobuagha BWANA na kumneka ishima chikaandikwa.

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

MATHAYO 25:17

Na uja orewusireghe iwi, ukafuma wokoni ukashama talanto zima iwi.

MABONYO GHA WADUMI 10:2

Orekoghe ukinugha dini na kumuobua Mlungu andwamweri na wandu wake wose. Ukakaia ukifunya makuwio mengi kwa wandu, na kulomba Mlungu matuku ghose.

MABONYO GHA WADUMI 10:35

ela mundu uo ose wa kula mbari umuobuagha uo, na kubonya agho ghiko gha hachi, wadamrumiria.