1 WAZURI 15:3 - Biblia Ilagho Jiboie Kwa Wandu Wose

³ Ukabonya kaung'a rija reni ndee oreribonyereghe. Nderekoghe mloli putu kwa BWANA Mlungu wake seji wawae wa madafu Daudi orebonyereghe.

1 WAZURI 15:3 ပူးပေါင်းရင်းမြစ်များ

1 WAZURI 11:33

Kwa kukaia wanisighie ini, ukawoka kutasa Ashtorethi mlungu ghwa waka ghwa Wasidoni, na Kemoshi mlungu ghwa Wamoabu na Milkomu mlungu ghwa Waamoni; nao ndewuebonya agho ghiko gha hachi imbiri kwapo, kwa kuiwadia memu yapo na sharia rapo kara kara na ndee Daudi.

1 WAZURI 11:4

Ngelo ya wughosi ghwake, waka wake wikaghalua ngolo yake kutasa milungu mizima hata nderekoghe mloli kwa Mlungu wake seji ndee Daudi orekoghe.

1 WAZURI 15:14

Hata ngera Asa ndererinonieghe rija nyumba retasira milimu rereaghiloghe mghondinyi, ela orekaieghe mloli putu cha kwa BWANA irangi jake jose.

1 WAZURI 3:14

Na ikakaia kuchanisikira, na kumaziria sharia na memu yapo, seji ndeyo Daudi oreghendieghe, niko nichaakuchuria matuku ghedua moyo ndoenyi.”

1 WAZURI 3:3

Solomoni oremkundeghe BWANA, ukakaia ukighenda kwa kunugha sharia ra ndee Daudi, kasoro tu orekoghe ukifunya vizongona vake andu kotasira mighondinyi.

2 WAZURI 20:3

“Nakulomba idana kunikumbuke ee BWANA, seji nighendie kwa wuloli imbiri kwako kwa ngolo yose, ngibonya agho ghikuboiagha;” Hezekia ukalila nandighi.

2 MALAGHO GHA NGELO 25:2

Amazia ukabonya nicha imbiri ya BWANA, ela nderesowieghe makosa anduangi.

ZABURI 119:80

Kunibonye niiwadie memu yako putu, nisechefushwa waya.

WUKUMBUSO 17:20

Ichamtesia usechekujosa aighu ya waruna, hata kulemwa ni kumsikira BWANA. Huwo uchabonya nguma luma, chiaimweri na kivalwa chake andenyi ya Israeli.

1 SAMUELI 25:28

Nakulomba kunilekie makosa ghapo ini mdumiki wako, kwa kukaia loli bwana wapo, BWANA uchakubonyera wuzuri ghwa kala na kala, angu kwawuyalwa wuda ghwa BWANA; na wuwiwi ndeghuchaawoneka kwako matuku ghose kuchaakaia moyo.