1 WAZURI 15:23 - Biblia Ilagho Jiboie Kwa Wandu Wose

²³ Mabonyo ghose gha Mzuri Asa, ndighi rake na iro ngome oreriaghieghe ghaandikilo andenyi ya Chuo cha Malagho gha Ngelo cha Wazuri wa Juda. Ela matuku gha wughosi ghwake, ukapatwa ni wukongo ghwa maghu.

1 WAZURI 15:23 ပူးပေါင်းရင်းမြစ်များ

1 WAZURI 14:19

Maza rose rerebonyeroghe ni Jeroboamu, kuja kulwa wuda kwake, na seji orebonyereghe nguma, raandikilo andenyi ya Chuo cha Malagho gha Ngelo cha Wazuri wa Israeli.

2 MALAGHO GHA NGELO 14:14

Wikaikaba mizi yose erekoghe mbai-mbai ya Gerari, angu wandu werengiriloghe ni kiture cha BWANA. Wikawada vilambo vose va iyo mizi, angu erekoghe na vilambo vingi.

2 MALAGHO GHA NGELO 14:7

Asa ukawizera wandu wa Juda, “Ndediaghe imizi diimarishire wurigha na minara, na kuibonyera mbenge na virughio. Isanga jaduagha jedu, angu damlolie BWANA Mlungu odu; damlolie, nao ukadineka sere chia rose.” Kwa huwo wikaagha, na kuchurikia.

ZABURI 90:10

Dadakaia moyo miaka mirongo mfungade; dikakaia na ndighi yavika mirongo wunyanya. Elaima yareda wasi na kuwawa; Yasia shwa shwa nesi daghenda noko.