1 WAZURI 11:2 - Biblia Ilagho Jiboie Kwa Wandu Wose

² Ukalowua kufuma kwa mbari iro Mlungu orekanieghe wandu wa Israeli wiseloworane, wichewighalua ngolo rawo na kutasa milungu mizima.

1 WAZURI 11:2 ပူးပေါင်းရင်းမြစ်များ

KUZOYA 2:24

Kwa huwu mundu wadamsigha ndee na mae, na kumazirana na mkake, nawo wadawuya mumbi ghumweri.

KUZOYA 34:3

Ngolo yake ikarirwa ni Dina mwai wa Jakobo, hata ukamkunda nandighi, ukakaia ukimja malagho ghisingie.

1 WAZURI 11:9

BWANA uo Mlungu wa Israeli ukam'bonyera Solomoni machu angu oremsighieghe; nao oremfutukieghe mando awi.

2 MALAGHO GHA NGELO 19:2

Ela Jehu mwana wa Hanani uo mmboni, ukafuma kummara ukamzera mzuri Jehoshafati, “Wele ni hachi oho kuwitesia wandu wawiwi na kuwikunda awo wizamilwagha ni BWANA? Kwa wundu ughu, BWANA wakubonyera machu.

2 MALAGHO GHA NGELO 21:6

Ukabonya sa wazuri wa Israeli, na angu mkake orekoghe mwai wa Ahabu, Jehoramu ukanugha tabia ra wandu wa nyumba ya Ahabu. Ukabonya kiwiwi imbiri ya BWANA.

EZRA 9:12

Weredighorieghe diseloworane nawo, hata diselole kupatana nawo angu kuwilolia mecha ghangi ghawo; dipate kukaia na ndighi, na kuja manori gha isanga na kujisighia wana wedu; jikaie ifwa jawo ja kala na kala.

ZABURI 139:21

Nadazamilwa ni wandu wizamilwagha ni oho BWANA, na kuwimenya awo wilwagha na kumoni.

KUFUMA 23:31

Nichawika mano ya isanga jenyu, kufuma Bahari ya Shamu hata Moda ghwa Eufrate; sena kufuma Bahari ya Mediterania hata kireti. Nichamneka ndighi aighu ya waja waisanga, nenyo mchawifunya seji mchaadima.

KUFUMA 34:12

Kukulindie kumoni, kusebonye mapatano ghangi na wandu wa isanga kujighendiagha; wisechewuya mdegho konyu.

KUFUMA 34:16

Wana wenyu wadima kulowua awo waka wa kighenyi, nawo wicham'bonya msekaie waloli kwapo, hata mdime mwatasa milungu yawo.

MALAKI 2:11

Wandu wa Juda wachikanyire ilaghiro jawo kwa Mlungu, na kubonya ilagho jizamie Jerusalemu na isangenyi kose. Juda wailushire Hekalu ya BWANA uikunde; wandu wake wikalowua waka wa kighenyi witasagha milimu.

WAROMA 1:32

Hata ngera waichi wori Mlungu walaghirie kukaia awo wibonyagha maza iro yawifwana kufwa, ndewiwuyeribonya tu, ela warumiriana na awo wiribonyagha wori.

WAROMA 12:9

Lukundo lusekaie loja kuwi; mzamilo ni kiwiwi, mmaziriane na icho chiko chiboie.

1 WAKORINTHO 15:33

Msakekalilwa, “Wungara ghwa madedo ghizamie ghwadanona tabia ndicha.”

WUFUNUO 2:4

Ela neko na ilagho na kumoni, kukaia kwamerie kulusigha luja lukundo korekoghe nalo imbiri.